Сынтәа Аԥснытәи Аҳәынҭқарратә университет иахыҵуеит 85 шықәса. Уи арыцхә инамаданы иазгәаҭоу аусмҩаԥгатәқәа ируакуп Ҭырқәтәылантәи аҿара араҟа аҵара дырҵаразы рааԥхьара.
"Ауниверситет иахьа аиҭашьақәыргыларатә усурақәа хнаркәшоит, азеиԥш нхарҭала еиқәыршәахоит, ҳҽеиҵаҳхыртә аҭагылазаашьа ҳамоуп. Ҳџьынџьуаа рыхшара ауниверситет рҭаҵаразы, азеиԥш нхарҭала реиқәыршәаразы уадаҩра ҟалаӡом уажәшьҭа", — иҳәеит ауниверситет апрофессор Оҭар Ӡиӡариа.
"Хра злоу ахҭысқәа": Арда Ашәбеи Оҭар Ӡиӡариеи Ҭырқәтәылаҟа рцара иалацәажәеит
Ҳаиԥыларақәа раан ҳара ҳарзааҭгылеит, ҳуниверситет иамоу алшарақәа ртәы. Аиашазы уи, иҟанаҵо ацхыраара аҩыза, даҽакы иалшаӡом. Ҳдиаспореи ҳареи ҳаиҭнаиааира еизырҳалатәуп, ҳәа азгәеиҭеит афилологиатә факультет адекан Арда Ашәба.
