Аиашаз, афонд ицәырнаго азҵаарақәа ҟалеит, избан аԥсуаа рымацара зракәузеи, егьырҭ амилаҭқәа заҵанамкызеи ари ҳәа?
"Ҳара арҭ азҵаарақәа ҳрызхәыцуан хԥа-ԥшьба шықәса раахыс, иаҳшәеит-иаҳзеит, аха излаҳбо ала, ҳтәыла алшарақәа еиӷьхаанӡа ҳәа, ари аус арҽеира ҳаламгар, уаҵәы ҳагхаргьы ҟалоит ҳәа азыӡбан ауп ишаԥаҳҵаз афонд "Азҳара", — иҳәеит Жәлар Реизара асоциалтә политикеи, аџьеи, агәабзиарахьчареи рзы ахеилак ахантәаҩы ихаҭыԥуаҩ Леонид Чамагәуа.
Афонд "Азҳара" аиҿкаареи, нас аԥхьаҟатәи аԥеипши дырзааҭгылеит уи ахантәаҩы, Жәлар Реизара адепутат Леонид Чамагәуа
Леонид Чамагәуа дақәгәыӷуеит, Аԥсны инхо егьырҭ амилаҭқәа ари азҵаараҿы ҳаилыркаап ҳәа.
