Микрофон  - Sputnik Аҧсны
Арадио

Кәарҷиа: узанааҭ аԥышәа ануоуа, еиҳау занааҭдырра ыҟаӡам

© Sputnik / Томас ТхайцукВалерии Кәарҷиа
Валерии Кәарҷиа - Sputnik Аҧсны
Анапаҵаҩра
70 шықәса ихыҵит аекономикатә ҭҵаарадыррақәа рдоктор, апрофессор Валерии Андреи–иԥа Кәарҷиа. Аиубилиар аҿар рааӡареи, аҭҵаарадырреи русхкқәа рҿи иааԥсарақәа рзы, атәыла ахада Рауль Ҳаџьымба инапы ӡҵаиҩыз аусԥҟала ианашьоуп "Аԥсны зҽаԥсазтәыз аҭҵаарадырра усзуҩы" ҳәа ахьыӡ.

"Зегь раԥхьа исыргылоит аҿар рааӡара, аудиториаҿы угылан астудентцәа алекциа рзаԥхьара, ус имариаӡам сара уи еснагь сацклаԥшуеит", — иҳәеит ҳаиҿцәажәараан Валери Кәарҷиа.

Аҵарауаҩ ииубилеи мшы аламҭалаз иҭыҵит "Ақыҭанхамҩатә аарыхреи, аекономика аиҿкаареи" зыхьӡу ишәҟәы. Уи еиднакылоит амонографиақәа хԥа.

Азанааҭ алхреи уи аԥышәа аизырҳареи, аҿар аус рыдулареи рааӡареи атәы далацәажәеит Валери Андреи-иԥа Кәарҷиа

"Ари сусуразы алкаак исзаҩызоуп, астудентцәа аилкаара рзымариахарц азы, сгәацԥыҳәан изҩит", — ҳәа азгәеиҭеит иара. 

Аиубилиар изы зегьы иреиӷьу ҳамҭаны иҟоуп 25 шықәса раԥхьа аԥсуа жәлар иаҳгаз аиааира. 

"Ҳмиалҭтә зҵаарақәа ҳхала иҳаӡбо хнапаҿы иахьыҟоу, уи иреиӷьу ҳамҭоуп сара сзы", — ҳәа азгәеиҭеит ҳаиҿцәажәара ахыркәшамҭаз Валери Кәарҷиа.

Ажәабжьқәа зегьы
0