"Ҳара иаҳҭахын зыԥсадгьыл ашҟа ихынҳәыз ауаа хәыҷык инарҭбааны ирыгу ирыбзоу раарԥшра. Аконкурс рылаҳәоуп ашықәс нҵәаанӡа, акомиссиа аԥҵахоит, иаиааиуа нас ирылаҳҳәоит", — ҳәа азӷәеиҭеит Ҳаразиа.
Апремиақәа хԥа шьақәыргылоуп: актәи – 20 000 мааҭ, аҩбатәиқәа ҩба –15 000-15 000 мааҭ, ахԥатәиқәа ҩба – 10 000-10 000 мааҭ. Аусумҭақәа рыдыркылоит 2017 шықәса ԥхынҷкәын 1 аҟынӡа.
Вадим Ҳаразиа далацәажәеит ажурналистцәа ирылаҳәаз аконкурс ахықәкы
Аԥсны ажурналистцәа Реидгыла ирыланаҳәо аҩбатәи арҿиаратә конкурс "Ажәа — амалқәа зегьы ирмалуп" темак аҳәаа иҭагӡаны иҟам. Уа ахәшьара ззыҟарҵо ажурналисттә усумҭа ахаҭабзиароуп. Араҟагьы апремиақәа хԥа шьақәыргылоуп: актәи – 20 000 мааҭ, аҩбатәиқәа ҩба –15 000-15 000 мааҭ, ахԥатәиқәа ҩба – 10 000-10 000 мааҭ. Аусумҭақәа рыдыркылоит 2017 шықәса ԥхынҷкәын 1 аҟынӡа.
