Апоет, апублицист, апрозаик, актиор Евгени Евтушенко идунеи алҵра гәалсрала ирыдыркылеит Аԥсны. Раԥхьаӡа акәны иара Аԥсны дааит 1952 шықәсазы. Иара даанҿасит иҩыза Алықьса Лашәриа иҿы. Ара драбадырит Иван Ҭарба, Кумф Ломиа, Алықьса Гәогәуа.
Аԥсны жәлар рышәҟәыҩҩы Алықьса Гәогәуа Евгени Евтушенко дихцәажәоит
"Ақәра дугьы иман, аха ихы идыруа даныҟала инаркны, дымтәаӡакәа аусура даҿын. Иара, ҳәара аҭахума, даара дпоет бзиан, иара ихаҭара иаҵанакуаз рацәан. Иԥсадгьыл бзиа ибон, икультура бзиа ибон. Иара Урыстәыла мацара акәым, адунеи аҿы дырдыруан", — ҳәа азгәеиҭеит Гәогәуа.
54 шықәсазы ҿыц еибагаз Евтушенкои Белла Ахмадуллинеи Аԥсны рыԥсы еицыршьон. Евтушенко Агәыӡера аҳаблаҿы имаз иҩны Аԥсны аџьынџьтәылатә еибашьраан ааха ауит. Аҵыхәтәаны Аԥсны дыҟан 2010 шықәсазы.
