"Ҳара ари афестиваль ашҟа ааԥхьара анҳау ҳгәы иахәаны ҳцеит, ари аконкурс ҳара ҳзы даара аҵак ду аман, избанзар, адаул асыҩцәа ргәыԥ раԥхьаӡа акәны ауп Аԥсны анҭыҵ ианызгаз. Ҳара ҳанықәгылоз зегьы напеинҟьарала иаҳԥылон, егьырҭ аколлективқәа рҟынтәи ахәыҷқәагьы уахь иналаҵаны", — иҳәеит Аԥсны зҽаԥсазтәыз артист, ансамбль "Адаул" анапхгаҩы Еснаҭ Сангәлиа.
Ансамбль "Адаул" рықәгылара быжь-минуҭк иалагӡаны ахәаԥшцәа рҿаԥхьа инарыгӡеит Аԥсныи Кавкази рритмқәа.
