Кыргызтәи адраматург Мар Баиџьиев ипиеса иалху аспектакль ала Ҭҟәарчалтәи атеатр асезон ҿыц аанартыит цәыббра 8. Sputnik акорреспондент Анжелика Бениаԥҳа ҭелла диҿцәажәеит Шәарах Ԥачалиа ихьӡ зху Ҭҟәарчалтәи аҳәынҭқарратә театр асахьаркыратә напхгаҩы, Аԥсны зҽаԥсазтәыз артист Сырбеи Сангәлиа.
"Иаҳгәиҭоуп Шәарах Ԥачалиа иҩымҭа иалхны аспектакль ықәҳаргыларц. Иара убас, ҳрепертуар аҟны иҟоу аспектакльқәа есхәаша иқәҳаргылалоит. Урҭ рхыԥхьаӡараҟны иҟоуп: Валери Касланӡиа ипиеса "Аилага", Роман Сабуа ипиеса "Ауаҩи аџьныши", иара убас "Иӷьычуа зегьы рҳәыҩцәам", "Ахьы Жәабран" уҳәа иҳамоуп егьырҭ аспектакльқәагьы", – иҳәеит Сангәлиа.
Раԥхьаӡа акәны "Асабша ашьыбжьышьҭахь " Ҭҟәарчал иқәыргылан хәажәкыра 20 2015 шықәсазы.
Арепатриациазы аҳәынҭқарратә хеилак аҿы имҩаԥысит аиԥылара Ҭырқәтәыла иҟоу ҳџьынџьуаа рхаҭарнакцәа алархәны. Асасцәа Аԥсныҟа раара адҳәалоуп ҳтәылаҿы Аиааира амш ныҳәа азгәаҭара.
Аԥсуа ԥқьаҭасыҩ Амина Аншԥҳа Анталиа имҩаԥысуаз аԥқьаҭасразы ITF акатегориа иатәыз аиндаҭлара далахәын, аҩбатәи аҭыԥ аанылкылеит. Иара мҩаԥысуан цәыббра 18 - 24 рзы Ҭырқәтәыла, Анталиа.
Еицырдыруаз америкатәи ашәаҳәаҩ Чарльз Бредли 68 шықәса дшырҭагылаз иԥсҭазаара далҵит. Амассатә информациа ахархәагақәа ишырҳәо ала, иара имаз акьыбачымазара дзазымиааиит.
