Гагра араион аԥсшьарҭатә обиектқәа ринвентаризациа мҩаԥгахоит

© Sputnik / Михаил Фомичев / Амедиаҵәахырҭахь аиасраБывший санаторий в городе Гагры. Архивное фото.
Бывший санаторий в городе Гагры. Архивное фото. - Sputnik Аҧсны
Анапаҵаҩра
Мызкы иҭагӡаны аԥсшьарҭа-курорттә комплексқәеи, ахатә уадақәеи рхаҭабзиара агәаҭаразы аинвентаризациа мҩаԥгахоит.

ГАГРА, мшԥ 2 – Sputnik, Саида Жьиԥҳа. Гагра араион ахада Беслан Барциц идҵала аԥсшьара-курорттә ҭыԥқәа, ауадақәа рҭагалареи, рхылаԥшреи рзы акурорттә хырхарҭаҟны акомиссиа еиҿкаауп.

Ақалақь Пицунда, аҳабла Цандрыԥшь, ақыҭақәа Алаҳаӡы, Лӡаа уҳәа усбарҭақәа рхадацәа акомиссиа аусура ацхрааразы адҵа рыҭоуп.

Аԥсны Аҳәынҭқарра ахада Рауль Ҳаџьымба акурортқәеи аԥсшьарҭақәеи рзы, ашәахтә аизгара рзы аминистррақәеи, аусбарҭақәа рхадацәеи аԥсшьарҭа-курорттә ҭыԥқәеи, аԥсшьарҭа ҩнқәеи, ауадақәеи аинвентаризациа рзура адҵа риҭеит.

Уи инақәыршәаны, Гагра аус зуо х-гәыԥк еиҿкаауп, иара убас агәыԥқәа аус рулоит Пицунда, Цандрыԥшь. РУрҭ зегьы иааидкыланы русура алҵшәақәа рыла алкаақәа ҟаҵазаауеит.

"Уҳәан-сҳәани, ииашам агәаанагарақәеи ҳҽырцәаҳахьчарц азы ажәлар зегьы ирыласҳәар сҭахуп акурорттә ҭыԥқәа аинвентаризациа рзура зыҟаҳҵо аобиектқәа згьы рҭаҩреи, рхылаԥшреи рзоуп, аԥара алхра аӡбахә атәы ыҟаӡам", – иҳәеит Гагра араион ИМНС аиҳабы Владимир Џьениа.

Акурорттә ҭыԥқәа рҭаҩреи рхылаԥшреи рзы акомиссиа иалоуп Гагра араион аусбарҭа, Гагра араион аҟны ИМНС, Гагра араион аԥсшьареи атуризми рзы анапхгара, Апрокуратуреи араион аҩнуҵҟатәи аусқәа рзы ахеилаки русзуҩцәа.

Ажәабжьқәа зегьы
0