19:23 20 Ԥхынгәы 2017
Аҟәа+ 25°C
Ишиашоу ицо аефир
Вид на гору Эльбрус.

Барцыц: ашьхатә маршрут ҿыц атуризм аҿиара иацхраауеит

© Sputnik. Александр Уткин
Аԥсшьара
Икьаҿу ахьарԥш аиура
Аԥсны аԥсшьаратә сезонқәа рымҩаԥысшьа (49)
9 0 0

Ҟарачы-Черқьесскнтәи Аԥсныҟа илбаауа ашьхатә маршрут ҿыц аартра анырра бзиа анаҭоит атуризм аҿиара, ҳәа азиԥхьаӡоит Аԥсны агеографиатә еилазаара ахада Леуард Барцыц.

АҞӘА, жәабран 26 — Асҭанда Арӡынԥҳа. Ҟарачы-Черқьесскнтәи Аԥсныҟа ашьхатә маршрут ҿыц аартра анырра бзиа анаҭоит атуризм аҿиаразы, ҳәа азиԥхьаӡоит Аԥсны агеографиатә еилазаара ахада Леуард Барцыц.

Уаанӡа урыстәылатәи АИХ (СМИ) рҟны иҟан аинформациа 2016 шықәса ԥхынгәымзазы иаатуеит ҳәа аспорт-туристтә маршрут ҿыц ҳәа.

Иазгәаҭан абри амаршрут ала раԥхьа имҩаԥысраны ишыҟоу урыстәылатәи аспортсменцәеи аинтузиастцәеи. Убри ашьҭахь – изҭаху зегьы.

Абри аганахьала аиқәшаҳаҭра нагӡан Аԥсны афизкультуреи аспорти рзы аҳәынҭеилакы ахантәаҩы Баграт Хәытаба официалтә визитла Черқьесск иҟазаараан.

Аусҳәарҭаҟны иақәшаҳаҭхеит амаршрут ала актәи аныҟәара аҽазыҟаҵара ишаҿу азы. Аха амаршрути аныҟәара аҷыдарақәеи рылацәажәара макьаназы изаауп, рҳәеит аҳәынҭеилак аҟны.

Амаршрут аурыс ганахь алеиԥш аԥсуа ганахьалагьы имҩаԥысыр алшоит. Макьаназы ишьақәыргылам атуристцәа аҳәынҭқарратә ҳәаа рахысра апроцедура. Уи макьана аус адулара иаҿуп.

Аԥснытәи агеографиатә еилазаара ахада иажәақәа рыла ари амаршрут асовет аамҭақәа рзы акыр ирылаҵәаны иҟан, амаршрут №43 ҳәа иашьҭан.

"Клыхәратәи ашьхахыҵырҭа еиманадон аԥсуааи нхыҵтәи рашьцәеи. Иазгәаҭатәуп иара зегь раасҭа иманшәалоу шьхахыҵырҭаны ишыҟоу. Иара 2780 метра аҩаӡараҟны иҟоуп, ашықәс зегьы 7-9 мзы уныҟәар алшоит. Иалшоит аӡынгьы арахьала ахыҵра. Аха уи азы ҷыдала уеиқәшәазароуп", — иҳәеит Барцыц.

"Даара иманшәалоуп. Иԥшӡоуп. СССР аамҭақәа рзы арахьала шәҩыла атуристцәа ныҟәалон, аха СССР анеилаҳа ашьҭахь амаршрутгьы хуаадахеит. Аԥсны аибашьра ашьҭахь зынӡаск иаркхеит", — иҳәоит Барцыц.

Леуард Барцыц иазгәеиҭоит еицырдыруа ашьхатә маршрут аиҭарҿиара шаҭаху, иарала аныҟәарагьы изнык-ҩынтәымкәа ишымҩаԥгалатәу.

Атемақәа:
Аԥсны аԥсшьаратә сезонқәа рымҩаԥысшьа (49)

Ихадоу атемақәа