04:49 24 Абҵара 2017
Ишиашоу ицо аефир
Аԥсны атуризм азы аидгыла ӡыргоуп

"Аԥсны атуризм азы аидгыла" ӡыргоуп

© Sputnik. Сергей Мальгавко
Аԥсшьара
Икьаҿу ахьарԥш аиура
Аԥсны аԥсшьаратә сезонқәа рымҩаԥысшьа (49)
1920

Ауаажәларратә еиҿкаара ҿыц "Аԥсны атуризм азы аидгыла" апрезидентс далхуп Анна Колиагина.

АҞӘА, абҵара  30 – Sputnik, Бадри Есиава. Ауаажәларратә еиҿкаара ҿыц "Аԥсны атуризм азы аидгыла" ӡырнагеит Аԥсны Ахәаахәҭра-Ааглыхратә Палата, ахаша, абҵара 30 рзы Аҟәа.

"Шәара ижәдыруеит ҳтәыла аекономика шьаҭаны иамоу атуризми ақыҭанхамҩеи шракәу. Ааигәа иаԥҵан  "Аԥсны асасааирҭақәа ргильдиа", уажәы —  "Аԥсны атуризм азы аидгыла" аԥҵахоит. Иара напынҵаны иаиуеит  абри аусхк аҟны апроблемақәа рыӡбра", — иҳәеит  Аԥсны Ахәаахәҭра-Ааглыхратә Палата апрезидент Генади Гагәылиа.

Гагәылиа иазгәеиҭеит ареспубликаҟны ишыҟоу  атуризм аусхк аҟны иҟоу ауадаҩрақәа аус рыдызуло аиҳабыратә еиҿкаарақәа, аха урҭ ацхыраара шырҭаху азҵаарақәа рыӡбраан, ишырҭаху абыжьгарақәа.
Акурортқәеи атуризми рзы аминистр ихаҭыԥуаҩ Асҭамыр Ахба  иҳәеит  асеиԥш иҟоу аидгыла аԥҵара аидеиа ҵоура аманы ишыҟоу, избанзар ишаабо ала есышықәса атуристцәа рхыԥхьаӡара еизҳауеит, урҭ ирыҭатәу амаҵзурақәагьы рхаҭабзиара еиӷьлатәуп ҳәа.

"Асеиԥш иҟоу аусқәа атуризм аусхк аҟны иуԥыло апроблемақәа рыӡбра иазырхоуп, иацхраауеит. Атуризм азы аминистрра еснагь иазыхиоуп аусеицура, сгәы иаанагоит ицәырҵуа апроблемақәагьы шьаҿа-шьаҿала акәзаргьы еицаҳаӡбып ҳәа", — иҳәеит Ахба.

Геннади Гагәылиа еизаз дыдирдырит  аиҿкаара апрезидент Анна Колиагина. Лара ирзеиҭалҳәеит  аиҿкаара ахықәкқәеи аусдҵақәеи ртәы.

"Ҳара ҳзы ихықәкы хаданы иҟоу Аԥсны атуризм ганрацәала аҿиара маншәала аҭароуп, апрофессионалтә интересқәа рыхьчареи атуристтә индустриа азинқәа азакәанԥҵаратә ԥшьгарахь риагареи роуп", — лҳәеит Колиагина.

Анна Колиагина иазгәалҭеит  реидгыла ишазыԥхьагәанаҭо ауаажәларра аус рыцура атуристтә ԥсшьара ахаҭабзиара аҳаракразы. Лара инаҵшьны илҳәеит напхгара зылҭо аиҿкаара ахы шаланархәуа атуристтә индустриа ҳәаақәызҵо азинтә актқәа аус рыдулара, атуристтә џьармыкьа арӷәӷәаразы аҳәаанырцәтәи рколлегацәа аус рыцура шеиҵнахуа.

Аиҿкаара анапхгара ахантәаҩыс далхуп Ҭенгьиз Ҭарба. Уи иазгәеиҭеит агәыӷра шимоу аиҿкаара ҿыц иманшәаланы аусура шьақәнаргылап ҳәа.

"Ҳара иус хаданы иаҳзыҟоу Аԥсны атуристтә хаҿы  аиҿкаароуп. Уи аганахьала иҟаҳҵаша рацәоуп" иҳәеит иара. Иара убри аамҭазы иазгәеиҭеит  аԥснытәи атурагентцәеи анаплакыҩцәеи  аԥара арҳара зегь рхадараҟны аргылара иаҟәыҵроуп ҳәа, ихадоу амилаҭтә культуреи аҵас-қьабзи рӡыргароуп ҳәа.

Анна Колиагина диит  1977 шықәса рзы Гәылрыԥшь араион Агәӡера аҳаблаҟны. Аԥсны жәлар Рџьынџьтәылатә еибашьра ашьҭахь лҭаацәеи лареи нхара ҳәа Москваҟа ииасуеит. Далгоит Москватәи аҳәынҭқарратә университет аекономикатә факультет. 2009 шықәса рзы Аԥсныҟа дхынҳәуеит. Напхгара алҭоит аиҿкаара "Русское содружество".

Ҭенгьиз Ҭарба диит мшаԥымза 23,  1981 шықәса рзы, Аҟәа. ААУ далгеит 2005 шықәса рзы. Аԥсны Адәныҟатәи аусқәа рминистрра аинформациа аҟәша аиҳабыс дыҟоуп. Афонд "Ишьхатәылоу Аԥсны" дадиректоруп.

Атемақәа:
Аԥсны аԥсшьаратә сезонқәа рымҩаԥысшьа (49)

Ихадоу атемақәа