Шәааи аихаҳашьа ҳҵап

Анапаҵаҩра
Ақыҭанхамҩа аныҟәгара ауадаҩра шацугьы, Абгархықә ақыҭан инхо Геннади Арчелиа 19 шықәса инеиԥанкыланы еиуеиԥшым ашәыр хкқәа реихаҳара инапы алакуп, арҭ ашықәсқәа ирылагӡаны аԥышәа ду иоуит.

"Аибашьра алагаанӡа аҩны аргылара салагеит, ҳара ҿыц нхацәан, сыԥшәма ԥҳәыс Гәдоуҭа агырцәа рыҟны иаалхәеит 40 шьапы ахәырма, ианаалга еиҭасҳаит ҩы-шықәса аус адызулеит, аха иара ахәырмаша акәхеит, иҳарҳәаз ахәырма ахкы акәымхеит. Уи ашьҭахь, саагәан агыруа-гызмал ианилша аихаҳара сара ишԥасылымшо сҳәан, салагеит ашәырқәа реихаҳара, салагеит ахәырмеи атамеи рыла,нас аҳа аҵәа, ус самханагалеит", — ҳәа иигәалаиршәоит Геннади Арчелиа.

Аихаҳара абар шьҭа 19 шықәса снапы алакуп, иҳәеит Арчелиа.

Анхаҩы гәахәарыла дзызнеиуа аус аџьабаа ӷәӷәа шацугьы ихы-иԥсы адкыланы данаҿу иқәымҿиар залшом. Геннади Арчелиа ԥсшьара аамҭас ииԥхьаӡоит ибаҳчаҿы ашәыр аихаҳара данаҿу.

Ажәабжьқәа зегьы
0