05:32 15 Ԥхынҷкәын 2017
Ишиашоу ицо аефир
Авидеонҵамҭақәа

Иара ахаҵкы ажәа. Апоезиатә хәылԥазы аҟнытә акадрқәа

Икьаҿу ахьарԥш аиура
6701
© Sputnik.

Ахәылԥаз аҟны аҿар ирыԥхьеит рхатәы жәеинраалақәеи абеиԥара еиҳабы иатәу аԥсуа поетцәа рырҿиамҭақәеи.

Апоет ҿарацәа злахәыз апоезиеи алафи рыхәылԥаз мҩаԥысит Аҟәа аԥшьаша жьҭаара 13.

"Ас еиԥш иҟоу ахәылԥазқәа мҩаԥаҳгалон ҳҩызцәеи ҳареи, иаҳҳәап акаҳуажәырҭа "Амра" аҟны, иара убас, Елеонора Коӷониаԥҳа имҩаԥылгоз аклуб "Ажәа" аҟны. Иахьа араҟа даҳҭоуп ҳарҵаҩы Гәында Сақаниаԥҳа, даҳҭоуп Ҭырқәтәылантәи иааны иахьа иҳаланхо ҳџьынџьуаҩ Аҭаман Кәыџба. Апоезиатә хәылԥазқәа мҩаԥаҳамгеижьҭеи даара акыр ҵуеит. Сгәы иаанагоит уахатәи ҳаиԥылара шәҟәала ҟазаара маҷк иадымхаргьы ишьҭнахып ҳәа", — лҳәеит ахәылԥаз аиҿкааҩ, апоет Альбина Анқәабԥҳа.

Аиԥылара иалахәын апоет ҿарацәа, асахьаркыратә ажәа бзиа избои алаф пату ззақәу жәпаҩык. Еизаз рҿаԥхьа "иаарту амикрафон" рхы иархәаны иқәгылеит Дмитри Габелиа, Инал Гыцба, Аинар Ҷыҭанаа, Руслан Дочиа, Ҳаџьараҭ Ҳашымба, Адгәыр Гәынба, Аслан Занҭариа, Альбина Анқәабԥҳа. Давид Шьоуа аԥсышәала ареп даԥхьеит, Абзагә Марыхәба иакәзар аԥсуа жәытә-ашәақәа неигӡеит.

 

Иҵегь авидео

Ихадоу атемақәа