Вадим Ҳаразиеи Руслан Ҳашыги еиҭарҳәеит ажурналисттә еицларбрақәа рыԥҟарақәа

Анапаҵаҩра
"Ахьышьтрахь" ахьӡуп Аԥсны ажурналистцәа Реидгылеи Арепатриациаз аҳәынҭқарратә еилаки еицымҩаԥырго аконкурс. Ари аицлабрахь ирыдыркылоит Аԥсныҟа ихынҳәыз ҳџьынџуаа рыԥсҭазаашьеи рыбзазашьеи ртәы еиҭазҳәо аусумҭақәа.

Арепатриациаз аҳәынҭқарратә еилакы ахантәаҩы Вадим Ҳаразиа иҳәеит, аконкурс ахь ишрыдыркыло аԥсышәалеи урысшәалеи иҩу ажурналисттә материалқәа, арадиои ателехәаԥшреи рахь инаго аматериалқәа, ажанр аганахь ала ԥкрак рымамкәа.

Аԥсны ажурналистцәа Реидгыла ахантәаҩы Руслан Ҳашыг иажәақәа рыла аконкурс ажиури ахәшьара зырҭо апроблема инарҵауланы аарԥшышьоуп, аҳәашьоуп, ауаҩы ихы-иԥсы аҟынӡа анагашьоуп.

Апремиақәа хԥа шьақәыргылоуп: актәи – 20 000 мааҭ, аҩбатәиқәа ҩба –15 000-15 000 мааҭ, ахԥатәиқәа ҩба – 10 000-10 000 мааҭ.

Аусумҭақәа рыдыркылоит 2017 шықәса ԥхынҷкәын 1 аҟынӡа.

Аԥсны ажурналистцәа Реидгыла ирыланаҳәо аҩбатәи арҿиаратә конкурс "Ажәа — амалқәа зегьы ирмалуп" темак аҳәаа иҭагӡаны иҟам. Уа ахәшьара ззыҟарҵо ажурналисттә усумҭа ахаҭабзиароуп.

Араҟагьы апремиақәа хԥа шьақәыргылоуп: актәи – 20 000 мааҭ, аҩбатәиқәа ҩба –15 000-15 000 мааҭ, ахԥатәиқәа ҩба – 10 000-10 000 мааҭ.

Аусумҭақәа рыдыркылоит 2017 шықәса ԥхынҷкәын 1 аҟынӡа.

Ажәабжьқәа зегьы
0