АҞӘА, жәб 24 — Sputnik. Аҩадатәи Кореа аҭак аҭара ишазхиоу атәы рҳәеит Аладатәи Кореиеи Америкеи еилахәны "Ки ризолв" (Key Resolve) нас "Тоскури — Фоул игл" (Foal Eagle) ҳәа хьӡыс измоу арратә зыҟаҵарақәа мҩаԥгахар. Арратә зыҟаҵарақәа хәажәкыра 2 рзы иалагоит ҳәа аанацҳауеит РИА Новости аҩадакореатәи агазеҭ "Нодон синмун" иҟанаҵаз адыррала.
"Арҭ еилахәу арратә зыҟаҵарақәа атәылахьчара иазынархам, урҭ аибашьратә провокациоуп", — рҳәеит Кореиа Аџьатә партиа ахеилак аҟны.
Адиалог ҟалар ауан, аха уи ашанс шьҭа ирцәыӡит. Иаанхаз арбџьармчқәа рырӷәӷәароуп, шәарҭарак ҟалозар ахыхьчара ҳалшаразы, аҳәоит агазеҭ аҿы иану астатиа.
Уаанӡа КНДР ирыланаҳәахьан аиадертә ԥышәарақәа мап шрыцәнакуа, Еиду Америкатә Штатқәеи Аладатәи Кореиеи арратә зыҟаҵарақәа рымҩаԥгара иаҟәыҵуазар, аха урҭ аҟәымҵит.
"Ки-ризолв" азыҟаҵарақәа хәажәкыра азбжазы ихыркәшахоит. "Тоскури — Фоул игл" — мшаԥымза анцәамҭазы.
