АҞӘА, жәб 25 – Sputnik. Урыстәыла аминистрцәа реилазаара аҳәынҭқарра ахада Владимир Путин иахь инанашьҭит Аахыҵ-Уаԥстәылеи Урыстәылеи реиҩызареи реилаҵәареи рзы аиқәшаҳаҭра. Абри атәы аанаҵҳауеит РИА Новости аминистрцәа реилазаара аинформациа ала.
"Аиқәшаҳаҭра анапаҵҩразы Урыстәыла ахада иахь инашьҭтәуп", — ҳәа ануп адокумент.
Аиқәшаҳаҭра иацу аилыркаага ишану ала, уи амчра амоуп 25 шықәса "ес-жәашықәса амчра ацҵаразы алшара азныжьны".
"Аиқәшаҳаҭра арҿиаразы напы рыҵаҩхоит уи аҩнуҵҟа хаз игоу аиқәшаҳаҭрақәа, атәылақәа еицырзеиԥшу ашәарҭадаратә ҳәаақәа реиҿкаареи, ацәгьоурақәа рҿагыларазы амчрақәа раԥҵареи уахь иналаҵаны", — ҳәа ануп аилыркаага.
