Аексперт: Аԥснытәи акоманда ФИФА алаҵаразы ԥынгыла ыҟам

© AFP 2023 / ALFREDO ESTRELLAАрхивтә фото.
Архивтә фото. - Sputnik Аҧсны
Анапаҵаҩра
Аԥсны Аԥыза-министр Артур Амқәаб ашьапылампыл азы жәларбжьаратәи Афедерациа апрезидент Джанни Инфантино ихьӡала ашәҟәы иҩит Аԥснытәи еизго акоманда ФИФА алалара азҵаара ахаҵгылара аиҭарц азы.

АҞӘА, рашәарамза 9 — Sputnik. Аԥснытәи еизго ашьапылампылтә команда ФИФА алаларазы иарбанызаалак азин аганахьала ԥынгыла ыҟам ҳәа иԥхьаӡоит МГИМО Кавказ апроблемақәеи арегионалтә шәарҭадареи Рцентр аусзуҩ еиҳабы Николаи Силаев.

Аԥсны Аԥыза-министр Артур Амқәаб. - Sputnik Аҧсны
Амқәаб ФИФА аиҳаб иахь ажәадгала ҟаиҵеит

Аԥсны Аԥыза-министр Артур Амқәаб ашьапылампыл азы жәларбжьаратәи Афедерациа апрезидент Джанни Инфантино ихьӡала ашәҟәы иҩит Аԥснытәи еизго акоманда ФИФА алалара азҵаара ахаҵгылара аиҭарц азы. Иара иазгәеиҭеит иахьатәи аамҭазы Аԥсны шазхарҵахьоу: Урыстәыла, Никарагуа, Венесуела, Науру, Вануату.

"ФИФА аҟны иҟам ԥҟарак зыла ассоциациа иалахәылахоу амилаҭтә федерациақәа ртәылақәа ООН аилазаара иалазароуп ҳәа ахьарбоу. Хәҭакала иазхаҵоу атәылақәа, иаҳҳәап Косово, ФИФА аҟны рхатәы хаҭарнакра рымоуп. Аԥсны аилазаарахь адкыларазы ԥынгыла ыҟам азин аганахьала", — иҳәеит аексперт.

"Аполитикатә ԥынгылақәа ҟалоу иҟамлоу иаарласны иаҳбарҭахоит. Уи адагьы иаабап мраҭашәаратәи адунеи имҩаԥнаго ҩ-хаҿык змоу астандартқәа ашьапылампылтә спортгьы рыҵаркуоу ирыҵарымкуоу", — иҳәеит иара.

УЕФА лаҵарамза 3 рзы, Будапешт имҩаԥысыз аконгресс аҟны Косово аилазаарахь ирыдыркылеит. ООН иалоу 193 тәыла рҟынтәи 108 тәыла иазхарҵаз Косово ФИФА аилазаарахь иаҵанакит. Уи адагьы 2018 шықәса рзы Урыстәыла имҩаԥысраны иҟоу адунеи ачемпионат аан ишалахәхо азҵаара иалацәажәоит.

Ажәабжьқәа зегьы
0