"Левитан еиԥш иаҳҳәоит" аконкурс аихшьаалақәа мҩаԥысит

© Sputnik / Алексей Филиппов / Амедиаҵәахырҭахь аиасраАрхивтә фото.
Архивтә фото. - Sputnik Аҧсны
Анапаҵаҩра
"Россия сегодня" Левитан ишьҭрақәлаҩцәа аԥшааит Шәача, Нижни Новгород, Москва.

АҞӘА, рашәарамза 23 –Sputnik. Жәларбжьаратәи аинформациатә маҵзура "Россия сегодня" аҟны имҩаԥысит жәларбжьаратәи аконкурс "Говорим как Левитан" аҟны иаиааиз аԥхьахәқәа рыҭара. Совинформбиуро 75 шықәса ахыҵра иазкыз аконкурс рхы аладырхәит 109 арадиомҩаԥгаҩцәа, атәылақәа 10 рҟынтәи: Урыстәыла, Белоруссиа, Украина, Кыргызстан, Молдова, Казахсҭан, Армениа уҳәа егьырҭгьы. Аконкурс аҟны аиааира згаз алыркааит ажиури. Иара аилазаара иалан еицырдыруа Анна Шатилова, Едуард Сагалаев, Ирина Герасимова, Виктор Самарин уҳәа егьырҭгьы. Дара иреиӷьуп ҳәа иалыркааит Евгениа Стрельцова (Москва), Евгениа Прохорова (Арзамас), Алексеи Петров (Шәача) раудиоҭаҩрақәа. Адиплом ҷыда ианашьан "Казахское радио" амҩаԥгаҩ Бухарбаев Мухамедали Болатулы.

"Аконкурс хықәкны иаман арадиожурналистцәа қәыԥшцәа адгылара рыҭара. Ҳгәы иаахәеит ҳинциатива адгылара ахьаиуз. Жәаба рҟынӡа атәылақәа рҟынтәи аусумҭақәа ҳарзыӡырҩит. Аҟазара ду рылоуп ҳҳәартә иҟоуп. Урҭ абри аконкурс аҳәаақәа ирҭагӡаны иахьеидаҳкылаз ҳалаҽхәар ауеит" ҳәа азгәеиҭеит МИА "Россия сегодня" аексперттә гәыԥ ахантәаҩы Алексеи Орлов.

Аконкурс аҟны аиааира игеит Урыстәыла ателеканал адиктор Евгени Стрельцов. Иара ианашьан аретро-микрафон еиԥштәыз астатуетка.

Аҩбатәи аҭыԥ ааникылеит Евгени Прохоров (Арзамас, Нижегородтәи аобласт).

Ахԥатәи аҭыԥ — Алексеи Петров, Шәачатәи "Дорожное радио" аредактор.

Аконкурс алауреатцәа иранашьан аԥаратә ԥхьахәқәа: 1 аҭыԥ — 50 000 нызқь, 2 аҭыԥ — 30 000 нызқь, 3 аҭыԥ — 20 000 нызқь.

Аиндаҭлара рхы аладырхәыр рылшон Урыстәылеи, ИАР атәылақәеи, Балтиатәи атәылақәеи рҟынтәи амҩаԥгаҩцәеи акорреспондентцәеи. Азыҳәақәа рыдыркылон жәабран 1 инаркны мшаԥы 15 рҟынӡа. Аконкурс ахәҭакхеит Совинформбиуро ашықәсхыҵра иазку аныҳәатә уснагӡатәқәа. Иҷыдоу апроект "История начинается с новости" иацнаҵон Совинформбиуро инаркны АПН, РИА Новости, Жәларбжьаратәи Аинформациатә маҵзура "Россия сегодня" аҟынӡа ҳаамҭазтәи ажурналистика аҭоурых аиҭаҳәара. Апроект апрограммақәа уаҳар алшон ишиашоу ицо аефир ала, арадиостанциа Sputnik аҟны, иара убасгьы – Совинформбиуро 75 шықәса ахыҵра иазку амультимедиатә проект МИА "Россия сегодня" арубрика "Радиоточка" аҟны.

Жәларбжьаратәи Аинформациатә маҵзура "Россия сегодня" — жәларбжьаратә медиагәыԥуп. Адунеи аҟны имҩаԥысуа ахҭысқәа зегьы инарҭбааны, оперативла, ишәаны-изаны иазнеины иаанарԥшуеит. Иарахьы иаҵанакуеит: РИА Новости, Р-Спорт, РИА Недвижимость, РИА Рейтинг, ИноСМИ. Амаҵзура иара убасгьы аԥыжәара амоуп урыстәылатәи асоциалтә ҳақәеи аблогқәеи рҟны аиҭаҳәарала.

Ажәабжьқәа зегьы
0