АҞӘА, ажьырныҳәа 5 – Sputnik. Ҟрым ирылаҳәоуп ацәқәырԥеисрақәа ҩба ҟалоит ҳәа, актәи ақәа ӷәӷәа аура иадҳәалоуп, аҩбатәи – аӡхыҵрақәа ирыдҳәалоуп. Абри атәы аанацҳауеит РИА Новости, Урыстәыла Аҭагылазаашьа ҷыдақәа рминистрра аҭыԥантәи аусбарҭа апресс-маҵзура адыррақәа ҵаҵӷәыс иҟаҵаны.
Амшцәгьа ҟалоит аԥшьашаҽны, иара убасгьы ашьхараҟны.
"Ажьырныҳәа 5-6 рзы Ҟрым иахьаҵанакуа аӡиасқәа хыҵыр алшоит 0,5-1,5 метра рҟынӡа", ҳәа арбоуп адырраҭараҟны.
Ахьчаҩцәа абжьагарақәа ҟарҵоит аӡиасқәа рааигәара иҟоу ргәы рҽанызарц азы.
