АҞӘА, ԥхынгәы 14 – Sputnik. Цәыббрамзазы НТВ аҟны ихацыркхоит апроект ду "Ты супер! Танцы". Абри атәы азгәаҭан аӡыргараҟны. Акәашаратә конкурс хылаԥшрадеи рҭаацәа рыдеи инхаз ахәыҷқәа ирнаҭоит алшара раԥхьаҟатәи рԥеиԥш аиҭакразы. Аконкурс иалахәхоит акәашаҩцәа қәыԥшқәа.
Апроект иалахәхаз ираԥхьатәиқәоуп тулатәи аколлектив MASTA FUNK. Иара еиҿкаан 2011 шықәса рзы. Дара алахәын имҩаԥысуаз аӡыргарагьы. Иагьрылдыршеит ирыхәаԥшуаз рнапеинҟьабжьқәа роура.
"Ты супер! Танцы" – ари лшароуп ауаа рацәа урдырразы, адунеи зыхьӡ ахыҩхьоу ахореографцәа аус рыцуурцаз, аҩызцәа ҿыцқәа уоурц.
Ателерадиоеилахәыра НТВ-и амаҵзура Sputnik-и, имҩаԥырго жәларбжьаратәи аконкурс еиднакылоит Урыстәыла, ИАР атәылақәа, Балтиа атәылақәа рҟынтәи аҟыбаҩ бзиа злоу ахәыҷқәа, иагьырнаҭоит алшара аԥеиԥш лашазы.
Акастинг хацыркуп рашәарамзазы, ихыркәшахоит нанҳәамзазы. Алахәыра аԥҟаррақәа арбоуп НТВ асаит аҟны.
