12:16 19 Жьҭаара 2017
Аҟәа+ 14°C
Ишиашоу ицо аефир
Вашингтон иҟоу Аҩны шкәакәа

АИХ: Америка иалшоит Урыстәылатәи Аконсултә ҭыԥқәа руак аркра

© Sputnik. Владимир Федоренко
Адунеиаҿы
Икьаҿу ахьарԥш аиура
2 0 0

Уаанӡа Дональд Трамп аҳәамҭа ҟаиҵеит Урыстәыла иҟоу Америка ацҳаражәҳәарҭа рперсонал аркьаҿразы Владимир Путин ҭабуп ҳәа иаҳәатәуп, ахарџьқәа еиҵеитәит ҳәа.

АҞӘА, нанҳәа 11 — Sputnik. Америка анапхгара ирылшоит Урыстәылатәи Аконсултә ҭыԥқәа руак адыркыр ҳәа аанацҳауеит РИА Новости агазеҭ "Коммерсант" ахь азхьарԥш ҟаҵо..

"Америка анапхгара Урыстәыла аконсултә ҭыԥқәа руак арктәуп ҳәа адҵа ҟарҵар алшоит, Москватәи асанкциақәа рҭакс", ҳәа аҳәоит адырраҟны.

Иазгәаҭоуп асеиԥш аӡбра шрыдыркылаз азы цәыббра 1 азы адырра ҟарҵар ҟалоит ҳәа.

Иахьатәи аамҭазы Урыстәыла ақалақьқәа Санкт-Петербург, Екатеринбург, Владивосток рҟны иҟоуп Америка аконсултә ҭыԥқәа, Урыстәыла акәзар аконсултә ҭыԥқәа ԥшьба Америка ақалақьқәа Ниу-Иорк, Сан-Франциско, Сиетл, Хиустон рҟны иҟоуп ҳәа аҳәоит адырраҭараҟны.

Уаанӡа Урыстәыла, Иран, КНДР рганахь ала асанкциақәа рыдкыларазы азакәан адкыларазы рыбжьы рҭиит ЕАШ асенаторцәа 100-ҩык рҟынтәи 98-ҩык. Ҩыџьа абри иаҿагылеит.

Мчыбжьык уи аԥхьа, ЕАШ аконгресс ахаҭарнакцәа бжьеиҳала ирыдыркылахьан абри адокумент.

Уажәы азакәан нашьҭхоит атәыла Ахада Дональд Трамп иахь анапаҵаҩразы. Атәыла Ахада имоуп алшара ари адокумент авето ақәҵара.

Авето аԥыхразы аконгресс аҿы ирҭаххоит 2/3 бжьы палата-цыԥхьаӡа. Уи, имҩаԥысхьоу абжьыҭирақәа рышьҭахь иҟалар алшоит.

Адокумент амчра аиур 2014 шықәса раахыс реиҳа инарҭбаау ԥкыратә пакетны иҟалар алшоит. Урыстәылатәи аекономика аганахь ала азакәан апроект иарҭбаауеит асанкциақәа. Хаҭала иаркьаҿуеит ЕАШ асанкциақәа ирыҵаркуа урыстәылатәи абанкқәа рԥаразоужьра 14 мшы рҟынӡа, анефҭи агази рсектор иаҵанакуа абанкқәа рԥаразоужьра – 60 мшы рҟынӡа (уажәы урҭ 30 мши 90 мши инаӡоит).

Иара убасгьы уажәтәи асанкциақәа ирыҵаркуеит апроект ҿыцқәа еиуеиԥшым ахырхарҭақәа рыла. Абри аҭакс Владимир Путин иазгәеиҭеит Урыстәыла иҟоу ЕАШ Ацҳаражәҳәарҭа аусзуҩцәа рхыԥхьаӡара ркьаҿтәуп ҳәа.

Ихадоу атемақәа

  • Администрация г.Сухум.

    Аҟәа аинвистициатә паспорт азырхиара шықәсык инарзынаԥшуа иаҿын иҳәеит Аҧснытәи аҳәынҭқарратә телерадио Еилахәыра апресс-центр аҿы имҩаҧигаз апресс-конференциаҟны Аҟәа ақалақь ахада ихаҭыҧуаҩ Леон Кәарҷиа.

    0
  • Русско-абхазский словарь.

    Аԥсуа бызшәаҿы 20 дырга иреиҵам змоу ажәа аԥшаара дшаҿыз ажәараҟны, иахьа ахархәара змам ажәақәа шалылԥшааз, атәы дазааҭгылоит ажурналист Елеонора Коӷониаԥҳа.

    8
  • Изготовление сыра

    Аԥсуа чысқәа ачаҩыри аҭубари рҭоурыхи, рыҟаҵашьеи дазааҭгылоит Sputnik аналитик Нонна Ҭхәазԥҳа. Арҭ ачысқәа рыҟаҵашьа атәы еиҭарҳәеит Ҭхәазаа ирымоу Арышԥҳа Ҭали, Шьынқәыраа ирымоу Бигәааԥҳа Мзиана.

    126