АҞӘА, цәыббра 34— Sputnik. Аконентбжьаратә баллистикатә ракетақәа рзы аӡритә зариад қәҿиарала иԥышәоуп ҳәа КНДР Ателеххәаԥшра хадаҿы иазгәаҭан ҳәа аанацҳауеит РИА Новости.
"Аконентбжьаратә баллистикатә ракетақәа рзы аӡритә зариад қәҿиарала иԥышәоуп", — ҳәа азгәаҭан ателеканал аҟны.
Уаанӡа агентра Ренхап адырра ҟанаҵахьан аӡритә зариад амчра 50 килотонн инаӡоит ҳәа. Уи хәынтәны еиҳауп ҵыԥхтәи ашықәс азы имҩаԥгаз аԥышәарақәа раан аасҭа.
Аҭыԥантәи аамҭала асааҭ 12.30 5,6 магнитуда змаз адгьыл аҵысра азгәаҭан Хамген-Пукто иатәу ақаалақь Кильчжу аҟны. Уоуп иахьыҟоу Аҩада Корееиатәи аиадертә полигон Пхунгери. Аладатәи Кореиа аруаа ари адгьылҵысра ԥсабаратәым ҳәа азырҳәеит. Иапониа аиҳабыра уи зыхҟьаз КНДР имҩаԥнагаз аиадертә ԥышәароуп ҳәа рҳәеит.
Асеисмологцәа ражәақәа шьаҭас иҟаҵаны КНДР аинформациатә хархәагақәа иазгәарҭеит абри ашьҭахь аа-минуҭк ааҵуаны 4,6 магнитуда змаз адгьылҵысрагьы ыҟан ҳәа.
Иапониеи Аладатәи Кореиеи реиҳабырақәа иааинырсланы ртәылақәа ршәарҭадаратә хеилакқәа реилатәарақәа мҩаԥыргеит. Аладатәи Кореиа аруаа ишьақәдырӷәӷәоит аиадертә полигон Пхунгери аҟны аҭыԥ змаз адгьыл аҵысра ԥсабаратәымызт ҳәа, аинформациагьы аизакра иаҿуп.
Иапониа аиҳабыра ракәзар КНДР аиадертә ԥышәара еиҭамҩаԥыргеит ҳәа азхарҵоит.
Иапониа Аԥыза-министр Синдзо Абе иазгәеиҭеит уи ус шакәу шьақәырӷәӷәахар Токио аҳәамҭа ҷыда ҟанаҵараны иҟоуп ҳәа.
