14:44 21 Абҵара 2017
Аҟәа+ 22°C
Ишиашоу ицо аефир
Презентация книги Маргариты Симоньян В Москву!

Маргарита Симониан Хиллари Клинтон илаԥылгеит

© Sputnik. Сергей Пятаков
Адунеиаҿы
Икьаҿу ахьарԥш аиура
7 0 0

Forbes адунеи аҟны реиҳа анырра змоу аҳәсақәа рреитинг аихшьаала ҟанаҵеит

АҞӘА, абҵара 2— Sputnik. МИА "Россия сегодня", RT редактор хада Маргарита Симониан абри аихшьаалаҟны илаԥылгеит США апрезидентрахь кандидатс иқәгылаз Хиллари Клинтон. Абри атәы аанацҳауеит РИА Новости.

Forbes асиа иара убасгьы данын Урыстәыла Ацентртә банк ахада Эльвира Набиуллина. Асиа актәи ацәаҳәақәа ааныркылеит Германиеи Британиеи реиҳабырақәа рхадацәа Ангела Меркели Тереза Меии. Иара убасгьы арахь даҵанакит акорпорациа Microsoft ашьаҭаркыҩцәа руаӡәк иԥҳәыс Мелинда Гейтс. Хиллари Клинтон 65-тәи аҭыԥ аанылкылеит.

Симониан абир ареитинг аҟны 52-тәи аҭыԥ аанылкылеит.

"Шықәсқәак раԥхьа ауаа реиҳараҩык дрыздырамызт Маргарита Симониан дызусҭаз. Уажәы лара лыӡбахә рҳәоит аполитикатәи, атехнологиатәи амедиатәи еилазаараҿы" ҳәа азгәанаҭоит Forbes.

Адунеи аҟны еиҳа анырра зуа аҳәса рсиахь Симониан лаҵаркрала ажурнал иаанарԥшит ателеканал аҩаӡара шыҳаракхаз атәы.

2005 шықәса рзы 25-шықәса зхыҵуаз Маргарита Симониан ателеканал Russia Today англыз бызшәалатәи ажәабжьтә версиа аредактор хадас дҟалеит. Аамҭақәак рышьҭахь ателеканал ихацнаркит араб бызшәалеи аиспан бызшәалеи адырраҭарақәеи ф-бызшәалак рыла ишьақәгылаз аинформациатә саитқәеи.

RT изныкымкәа ианаршьахьеит жәларбжьаратәи аԥхьахәқәа.

Ихадоу атемақәа