АҞӘА, ԥхынҷкәын 6— Sputnik. Адунеиаҿ еицырдыруа франциатәи ашәаҳәаҩ, акомпозитор, актиор Джонни Холлидеи иԥсҭазаара далҵит 74 шықәса дшырҭагылаз ҳәа аанацҳауеит РИА Новости, ашәаҳәаҩ иԥшәмаԥҳәыс Летициа Холлидеи амаҵзура Франс Пресс иалҭаз аинтервиу ҵаҵӷәыс иҟаҵаны.
"Адунеиаҿ еицырдыруа франциатәи ашәаҳәаҩ, акомпозитор, актиор Джонни Холлидеи иԥсҭазаара далҵит 74 шықәса дшырҭагылаз. Изыҩуеит арҭ ажәақәа иҟалаз агәра сызхамҵо. Иԥсҭазаара зегьы хра аманы имҩаԥысит, иԥсымҭазгьы ичымазара дшаҿагылаз дымҩасит", — ҳәа лыҩуеит Летициа Холлидеи.
Арокер шықәсык иназынаԥшуа ачымазара бааԥс, кьыбачымазар, даҿагыланы дықәԥон, аха ахимиотерапиа ашьҭахь иҭагылазаашьа еицәахеит.
Джонни Холлидеи (Жан-Филипп Лео Смет) диит рашәарамза 15 1943 шықәса рзы Париж. 2005 шықәса рзы ирҭихьан 80 миллион идискқәа, 18 альбомов аплатинатә альбом ҳәа рыхьӡхахьан.
Джонни Холлидеи иара убасгьы афильмқәа рзы иҩхьан ашәақәеи амузыкеи.
