АҞӘА, ԥхынҷкәын 13 —Sputnik. Америкеи Урыстәылеи еидгылароуп КНДР иадҵоу асанкциақәа рынагӡаразы иҳәеит США аҳәынҭмаӡаныҟәгаҩ Рекс Тиллерсон Атлантикатәи ахеилак аҟны иқәгылараан. Абри атәы аанацҳауеит РИА Новости.
"Урыстәылатәи ҳколлегацәеи ҳареи даара абри азҵаара ҭҵааны ҳаицалацәажәеит, ҳалацәажәеит ООН Ашәарҭадаратә Хеилак аҳәаақәа ирҭагӡаны ирылшараны иҟоу. Инаҵшьны иазгәасҭар сҭахуп асанкциақәа рганахь ала Урыстәыла адгылара ҳнаҭоит. Ҳара ҳзы акраҵанакуеит иапониа, Китаи, Урыстәыла ргәаанагара, рхымҩаԥгашьа", — иҳәеит США аҳәынҭмаӡаныҟәгаҩ Рекс Тиллерсон Атлантикатәи ахеилак аҟны иқәгылараан.
