Волков ихьӡ зху атеатр Аԥсны агастрольқәа рыҿҳәара инахоуп

© Sputnik / Олег Смыслов / Амедиаҵәахырҭахь аиасраФотоакция "Первый русский!" в Ярославле
Фотоакция Первый русский! в Ярославле - Sputnik Аҧсны, 1920, 02.09.2021
Анапаҵаҩра
2021 шықәса ҭагалан азы Фазиль Искандер ихьӡ зху Аурыс драматә театр аҿы урыстәылатәи атеатр ақәгыларақәа ԥшьба мҩаԥнагараны иҟан.
АҞӘА, цәыббра 2 – Sputnik. Фиодор Волков ихьӡ зху Иарославтәи атеатр агастрольқәа рыҿҳәара еиҭакуп ҳәа Sputnik иазеиҭеиҳәеит РУСДРАМ адиректор Иракли Хынҭәба.
Русдрам  - Sputnik Аҧсны, 1920, 11.08.2021
РУСДРАМ Урыстәылатәи агастрольтә турқәа рҿы х-спектакльк ықәдыргылоит
2021 шықәса ҭагалан азы Фазиль Искандер ихьӡ зху Аурыс драматә театр аҿы урыстәылатәи атеатр ԥшьы-қәгыларак мҩаԥнагараны иҟан.
"Сынтәа иазгәаҭан Фиодор Волков ихьӡ зху Иарославтәи атеатр амасштабтә гастрольқәа. Ари аԥсуа хәаԥшҩы изы ихҭыс дуны иҟалон, аиҳаракгьы уажәы, агастрольтә усура хра аманы Урыстәылеиԥш егьырҭ атәылақәа рҿгьы ианымҩаԥырго аамҭазы", - ҳәа иҳәеит Хынҭәба.
Акультуратә усбарҭақәа русура ахьеиҭашьақәыргылоу рацәоуп, русура иахәҭоу ашәарҭадара иақәшәо еиҿыркаауеит ҳәа азгәеиҭеит иара.
"Абри аганахь ала ҳара адунеи зегь ҳҽалаҳкааит. Ҳкультуратә усбарҭақәа аҳаркит, иаҳԥеиԥшугьы макьаназ еилкаам. Убри аан аҵаратә усбарҭақәа русура хыртуп. Иҟало зеиԥшрахаша ахьаҳзымдыруазы иҳаӡбеит агастрольқәа рыҿҳәара ҳнахарц", - ҳәа иҳәеит РУСДРАМ адиректор хада.
Волков итеатр Аԥсныҟа аара аԥаразоужьра мҩаԥнагон апрограмма "Агастроль дуқәа" аҳәаақәа ирҭагӡаны Урыстәылатәи Афедерациа.
"Атеатр аспектакльқәа ԥшьба ықәнаргылараны иҟан. Иаараны ҳарзыԥшын аилазаара хада. Ари ҭоурыхтә хҭысхон, иагьалшон иарбоу асанитар-епидемиологиатә ҭагылазаашьақәа ирықәныҟәаны амҩаԥгара. Адунеи зегьы аҿы усоуп ишыҟарҵо. Ҳаргьы уи аԥышәа ҳамоуп, аха иахьа ҳусура алдыршом", - ҳәа иҳәеит Хынҭәба.
Фиодор Волков итеатр шьаҭаркын 1750 шықәсазы Иарославль, раԥхьатәи зегь зҭаар алшо профессионалтә театрын. Ишьаҭеиркит актиор, арежиссер Фиодор Волков.
Аԥсны акоронавирустә инфекциа инадҳәаланы аԥкырақәа алагалоуп. Ԥхынгәы 12 раахыс акультура аминистрра анапаҵаҟа иҟоу аусҳәарҭақәа русура аанкылоуп.
Ажәабжьқәа зегьы
0