Россотрудничествои Москва Аҩни Ԥсҳәытәи ашколхәыҷқәа ирыцхрааит

© Foto / Россотрудничество Россотруничество и Дом Москвы помогли школьникам из Псху
Россотруничество и Дом Москвы помогли школьникам из Псху  - Sputnik Аҧсны, 1920, 16.09.2021
Анапаҵаҩра
Ԥсҳәы Аԥсны реиҳа ихароу шьха-қыҭоуп, амшын ақәцәантә 760 метра иҳаракны ишьҭоуп. Уахь анеира алшоит ҳауала ма ашьха каҵәарақәа урхысны.
АҞӘА, цәыббра 16 – Sputnik, Асмаҭ Ҵәыџьԥҳа. Аԥсны иҟоу Россотрудничество ахаҭарнакреи атуристтә платформа "Хорстрипи", ауаажәларартә еиҿкаара "Центр правозащиты российских граждан в Абхазии", акультуратә фонд "Платформеи" ҩымштәи агуманитартә миссиа Ԥсҳәыҟа имҩаԥганы ихдыркәшеит.
Псху - Sputnik Аҧсны, 1920, 09.09.2017
Ԥсҳәы ақыҭа
Аԥсны иҟоу Россотрудничество аҭыԥантәи ашкол ҳамҭас иарҭеит 800 рҵагашәҟәи ахархәагақәеи 1-10 аклассқәа рзы. Ара ақыҭа ашкол иҭоуп 28-ҩык аҵаҩцәа.
"Арҵаҩцәеи ҳареи ҳалацәажәеит ахәыҷқәа ҳаицлабрақәа, ҳвикторинақәа ирылаҳархәларц, апрограмма "Мшыбзиа Урыстәыла" аҳәаақәа ирҭагӡаны рныҟәарақәа еиҿаҳкаарц, аҵараиурҭақәа рҭалара иазҳархиарц. Иара убасгьы иаҳҳәеит ақыҭа аиҿкаараҿ ҳашрыцхраауа. Инаагаз аҳамҭақәа даара иреигәырӷьеит", – лҳәеит Аԥсны иҟоу Россотрудничество ахаҭарнакра аконсультант Марина Гридасова.
Амиссиа алахәылацәа идикылеит ақыҭа ахада Пиотр Новинкин. Ирылацәажәан атуристцәа радыԥхьалара азҵаара, ауааԥсыра азинтә цхыраара рыҭара азҵаара.
Уи адагьы акультуратә фонд "Платформа" адиректор Дмитри Статеинови ақыҭа анапхгареи еилацәажәеит аҭоурых-патриоттә проект "Кавказский фронт" ауснагӡатәқәа еицымҩаԥыргарц азы. Ауснагӡатәқәа мҩаԥысраны иҟоуп 2022 - 2023 шықәсқәа рзы.
Ақыҭаҿ имҩаԥган Кавказ азы аибашьра 78-шықәса ахыҵра иазку авидеоролик аҭыхра.
Ари аус мҩаԥган москватәи акультура-усутә центр "Москва Аҩны" адгыларала.
Ажәабжьқәа зегьы
0