Раионк аԥсҭазаараҟынтә: Жьиԥҳа Гагра аныҳәа ишаԥылаз атәы
20:00 30.09.2021 (ирҿыцуп: 20:06 30.09.2021)
© Sputnik / Леон Адлейба
Анапаҵаҩра
Ажурналист Саида Жьиԥҳа арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит Гагра Аиааиреи Ахьыԥшымреи рымшныҳәа шазгәарҭаз атәы.
Раионк аԥсҭазаараҟынтә: Жьиԥҳа Гагра Аиааира амшныҳәа ишаԥылаз атәы
"Ашьыжь асааҭ 10 инаркны араион аҟны имҩаԥысуан ашәҭшьҭаҵарақәа Бзыԥҭа, Цандрыԥшь. Гагра ақалақь аҟны Аиааира ашҭаҟны асааҭ 11 рзы Владислав Арӡынбеи Аԥсны Аџьынџьтәылатә еибашьраҟны иҭахаз аҵеицәа рбаҟақәа рымҵан ишьҭаҵан ашәҭқәа. Уахь инеит аибашьра аветеранцәа, иҭахаз рҭаацәа, араион анапхгара, ауаажәлар, асасцәа. Иахьа иуадаҩу аамҭа ҳҭагылоуп апандемиа иахҟьаны, аха ажәлар иааџьоушьаратәы ирацәан, имҩаԥган амитинг. Жәаҩакәара ҩышықәса раԥхьа ишьақәыргылаз абаҟаҿы ашәҭшьҭаҵара мҩаԥган. Леон иорден занашьоу аибашьра аветеран, шықәсык аԥхьа згәамбзиара иахҟьаны зыԥсҭазаара иалҵыз Џьумбер Бениа дахьынхоз аҩнаҟны агәалашәаратә ӷәы аартын. Уи аҩнаҟны ҩышықәса раԥхьа иаартын Аԥсны Афырхаҵа Лиалиа Ԥаразиаԥҳа лгәалашәаратә ӷәы. Аиааира ашҭаҟны иахьа убасгьы имҩаԥган ацәыргақәҵа, аибашьра иазку афотоархив Гәдоуҭатәи Ахьӡ-аԥша амузеи аҟынтә", - лҳәеит Жьиԥҳа.
Шәазыӡырҩы аудио.
Иара убас шәаԥхьар ҟалоит:
