https://sputnik-abkhazia.info/20250717/david-akhiba-auashrazy-aakra-iyreit-1056098368.html
Давид Ахьиба ауаҩшьразы аҭакра иқәырҵеит
Давид Ахьиба ауаҩшьразы аҭакра иқәырҵеит
Sputnik Аҧсны
АҞӘА, ԥхынгәы 17 — Sputnik. Арратә ӡбарҭа Давид Ахьиба Џьеро Марганиа ишьразы зрежим ӷәӷәоу аколониаҿы 14 шықәса дҭаркызарц аӡбара аднакылеит ҳәа аанацҳауеит... 17.07.2025, Sputnik Аҧсны
2025-07-17T11:04+0300
2025-07-17T11:04+0300
2025-07-17T14:25+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e6/05/05/1038973982_0:80:1531:941_1920x0_80_0_0_ce51a16e1e0e6a60d3e81e1c858f25ed.jpg
АҞӘА, ԥхынгәы 17 — Sputnik. Арратә ӡбарҭа Давид Ахьиба Џьеро Марганиа ишьразы зрежим ӷәӷәоу аколониаҿы 14 шықәса дҭаркызарц аӡбара аднакылеит ҳәа аанацҳауеит Аԥсны апрокуратура хада.Апрапоршьик Ахьиба еилаӡаратә ҟазшьала Аҳәынҭқарратә шәарҭадаратә маҵзура аус иуан. 2023 шықәса мшаԥымза 28 рзы, Акмал Худоибердиев дишьырц азы, уаҩ дахьыҟамыз аҭыԥ – Алаҳаӡы иҟоу аус зымуаз аԥсаатәааӡарҭа фермаҿы реиԥылара еиҿикааит, ааигәа иааихәаз амашьына BMW азы 200 000 мааҭ ирхынҳәырц азы. Аха, аԥарақәа ргаразы уахь днеит Худоибердиев иҩыза Џьеро Марганиа. Ахьиба жәантә еиҵамкәа закәаншьаҭада иааихәаз Калашников иавтомат ала Марганиа диеихсит, уи иара уа иԥсҭазаара далҵит. Ауаҩшьра ашьҭахь, Давид Ахьиба Марганиа имашьына ацәгьоура ахьыҟалаз аҭыԥ аҟынтәи километрабжак инахараны уаҩ дызхым ахыбрахь иганы иргылеит. Ишьыз иԥсыбаҩ уахь ирҳәазаны игеит, аргыларатә гәамсам ирыҵеиҵәахит. Ахьиба ауаҩшьра злаҟаиҵаз иавтомат Алаҳаӡы, Камо амҩаду иаваршәны ицо аӡыҭҳәаа иҭаижьит. Аусбарҭа ианацҳауеит — Давид Ахьиба, агәҩара ззыҟоу ҳәа иҿахәҿыхраан, ауаҩшьразы ахара идикылеит, автомат ахьыԥшаатәу иҳәеит, аха анаҩс иажәақәа акырынтә иԥсахит, аԥхьатәии аӡбарҭатәии усеилыргарақәа раан идҵаз ахара мап ацәикит ҳәа.
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
АҞӘА, ԥхынгәы 17 — Sputnik. Арратә ӡбарҭа Давид Ахьиба Џьеро Марганиа ишьразы зрежим ӷәӷәоу аколониаҿы 14 шықәса дҭаркызарц аӡбара аднакылеит ҳәа аанацҳауеит Аԥсны апрокуратура хада.
Апрапоршьик Ахьиба еилаӡаратә ҟазшьала Аҳәынҭқарратә шәарҭадаратә маҵзура аус иуан. 2023 шықәса мшаԥымза 28 рзы, Акмал Худоибердиев дишьырц азы, уаҩ дахьыҟамыз аҭыԥ – Алаҳаӡы иҟоу аус зымуаз аԥсаатәааӡарҭа фермаҿы реиԥылара еиҿикааит, ааигәа иааихәаз амашьына BMW азы 200 000 мааҭ ирхынҳәырц азы.
Аха, аԥарақәа ргаразы уахь днеит Худоибердиев иҩыза Џьеро Марганиа. Ахьиба жәантә еиҵамкәа закәаншьаҭада иааихәаз Калашников иавтомат ала Марганиа диеихсит, уи иара уа иԥсҭазаара далҵит.
Ауаҩшьра ашьҭахь, Давид Ахьиба Марганиа имашьына ацәгьоура ахьыҟалаз аҭыԥ аҟынтәи километрабжак инахараны уаҩ дызхым ахыбрахь иганы иргылеит. Ишьыз иԥсыбаҩ уахь ирҳәазаны игеит, аргыларатә гәамсам ирыҵеиҵәахит.
Ахьиба ауаҩшьра злаҟаиҵаз иавтомат Алаҳаӡы, Камо амҩаду иаваршәны ицо аӡыҭҳәаа иҭаижьит.
Аусбарҭа ианацҳауеит — Давид Ахьиба, агәҩара ззыҟоу ҳәа иҿахәҿыхраан, ауаҩшьразы ахара идикылеит, автомат ахьыԥшаатәу иҳәеит, аха анаҩс иажәақәа акырынтә иԥсахит, аԥхьатәии аӡбарҭатәии усеилыргарақәа раан идҵаз ахара мап ацәикит ҳәа.
