АҞӘА, хәажәкыра 5 — Sputnik. США апрезидент Дональд Трамп адҵа ҟаиҵеит Украинатәи аҭагылазаашьа иахырҟьаны Урыстәыла иадҟаҵало асанкциақәа рыҿҳәара ишацҵахо. Абри атәы аанацҳауеит РИА Новости.
Аҩны шкәакәа апресс-маҵзура аҳәамҭа ҟанаҵеит "Украина акәша-мыкәша иҟоу аҭагылазаашьа США амилаҭтә шәарҭадареи жәларбжьаратәи аполитикеи ашәарҭара иҭанаргылоит, убри азы 2014 шықәса рзы Урыстәыла иадҟаҵалаз асанкциақәа рыҿҳәара иацҵахоит" — ҳәа.
2014 шықәса рзы Мраҭашәаратәи атәылақәа Украина аҭагылазаашьа инадҳәаланы Урыстәыла асанкциақәа адҟарҵалеит. Нас урҭ акырынтә ирыцырҵахьан.
Москваа изныкымкәа иазгәарҭахьеит Урыстәыла аимак иалахәу тәыланы ишыҟам.