АҞӘА, хәажәкыра 26 – Sputnik. Калининградти анапхгара азин ҟарҵеит ачемпионат иаздырхиаз астадион ахархәараз. Абри атәы аанацҳауеит аспорт аминистрра апресс-маҵзура.
Актәи ахәмарра мҩаԥгахоит мшаԥымза жәеиза рзы аклуб "Балтикеи" Самаратәи "Крылья Советови" рыбжьара.
Ашьапылампыл азы адунеи ачемпионат ахәмаррақәа ԥшьба мҩаԥысраны иҟоуп Калининград. Ачемпионат ашьҭахь астадион хада ашьапылампылтә клуб "Балтика" иахатәхоит.
Астадион 35 нызқьҩык рҟынӡа акуеит.
РИА Новости ишааныцҳауа ала Калининград ахадара астадион аинфраструктура аус адырулалоит.
2018 шықәса рзы ашьапылампыл азы ачемпионат мҩаԥгахоит лаҵарамза 14 инаркны ԥхынгәымза 15 рҟынӡа.