"Ауааԥсыра азакәан ииашан иазнеиӡом, аӡәы дықәныҟоит, егьы изы амч амаӡам, убас еиԥш иҟоу агәаанагара даара иаҳԥархагоуп. Уи ԥҽтәуп. Иахьатәи аамҭаз изхароу уишьҭаланы, ашьауӷатә ус дақәыршәаны, ишақәнагоу уанизныҟәа, усҟан егьырҭгьы еилыркаауеит азакәан амч шамоу. Ианбыкәу ажәытәан ахьалахьырхәра аныҟаз, аԥҳәыс лышьра аныҟаз?! Иҟан ашьоура, аха иахьа иҟоу, уи ашьоура иацәыхароуп", — ҳәа азгәеиҭеит Габниа.