АҞӘА, ԥхынгәы 31 — Sputnik. Аԥсны иҟоу Урыстәылатәи арратә база аруааи Ставрополь атәылаҿацә амотохысратә гәыԥи, Ҟәбан игыло аракетатә архәҭеи злахәу аҽазыҟаҵарақәа мҩаԥысраны иҟоуп Амшын Еиқәа иахьаԥну, Тамань инаркны Аԥсны иҟоу аполигон Нагвалоу аҟынӡа нанҳәа 1-15 рыҩныҵҟа. Абри атәы аанацҳауеит РИА Новости Аладатәи арратә округ апресс-маҵзура адыррақәа ҵаҵӷәыс иҟаҵаны.
Аҵара-ҽазыҟаҵарақәа раан авиациеи афлоти реинырра мҩаԥгахоит.
"Амотохысцәа инарываргыланы ахархәара роуеит арратә авиациа аверталиотқәа, абомбакажьгақәа, аистребительқәа, Новоросиисктәи арра-мшынтә база аӷбақәа", — ҳәа аҳәоит адырраҭараҿы.
Иааидкыланы аҽазыҟаҵарақәа ирылахәхоит 2,5 нызқьҩык аруаа, 600 рҟынӡа арратә техника.