Аиааира Ду амш: Асовет Еидгыла иалаз аҳәынҭқаррақәа аныҳәа шазгәарҭаз

Сынтәа акоронавирус апандемиа иахырҟьаны Аџьынџьтәылатә еибашьра Ду аҟны Аиааира 75 шықәса ахыҵра амшныҳәа арыцхә инахоуп.

Урыстәыла ахада Владимир Путин анапынҵа ҟаиҵеит Москва имҩаԥысраны иҟаз Аиааира апарад аҽазыҟаҵара аграфик еиҭакзарц акоронавирус инадҳәаланы. Лаҵара 9 рзы имҩаԥгахараны иҟоуп аибашьцәа рбаҟақәеи рмемориалқәеи рымҵан ашәҭшьыҵәрақәа рышьҭаҵара, иҭахаз ргәаларшәара.

Аԥсны ауаажәлар 55 нызқьҩык инареиҳаны Аџьынџьтәылатәи еибашьра иалахәын, урҭ рыҟнытә 17 нызқьҩык инарыцны изыхнымҳәит, 22-ҩык Асовет Еидгыла Афырхацәа ҳәа ахьӡ рыхҵоуп.

Аџьынџьтәылатә еибашьра Ду аҿы Аиааира иазку аҭыжьымҭақәа шәрыԥхьар ҟалоит абра>>

1 / 12

Аџьынџьтәылатә еибашьра ду аветеранцәа алахәын Гәдоуҭа имҩаԥгаз аныҳәа. Аԥсны иҟоу урыстәылатәи аруаа ирыдырныҳәалеит Аиааира Ду амш.

2 / 12

Азербаиџьан ахада Ильхам Алиеви иԥшәмаԥҳәыс Мехрибиан Алиеви ҩынтә Асовет Еидгыла Афырхаҵа Ази Асланов ибаҟа амҵан ашәҭқәа шьҭарҵеит.

3 / 12

Ермантәыла ахада Армен Саркисиан даҭааит Ереван иҟоу Аиааира абаҳча.

4 / 12

Гродно ақалақь, Белоруссиа. Аветеранцәа ашәҭқәа шьҭарҵоит абаҟа амҵан.

5 / 12

Аџьынџьтәылатә еибашьра Ду аҿы игаз Аиааира аҳаҭыраз Бишкек имҩаԥган амитинг, уи иалахәын аҳәынҭқарра анапхгара.

6 / 12

Латвиа "Ԥсра зқәым архәҭа" аԥшьгаҩ Маргарита Драгиле даҭааит Ахьчаҩцәа рбаҟа, лнапаҿы илкын аблокада зхызгыз ланду лфотосахьа.

7 / 12

Акарантин шыҟоугьы, Литва атәылауаа ирҭааит абаҟақәа, асовет ар ргәымшәаразы ашәҭқәа шьҭарҵеит.

8 / 12

Молдова атәыла анапхгара амемориалтә комплекс аҿаԥхьа ашәҭқәа шьҭарҵеит.

9 / 12

Узбеқисҭан ахада Швкат Мирзеев Аџьынџьтәылатә еибашьра аветеранцәа ирыдиныҳәалеит Аиааира Ду амш.

10 / 12

Ҭаџьыкисҭан ахада Емомали Рахмон, Апарламент ахантәаҩы, Душанбе ақалақь ахада Рустам Емомали ашәҭқәа шьҭарҵеит "Аиааира абаҳча" аҟны, Душанбе.

11 / 12

Аахыҵ Уаԥстәыла Аиааира Ду амш азгәарҭеит.

12 / 12

Урыстәыла ахада Владимир Путин Аиааира амш аҽны Идырым асолдаҭ иҳаҭгәын аҟны, Александр ибаҳчаҿы ашәҭқәа шьҭеиҵеит. Урыстәыла Аиааира Ду 75 шықәса ахыҵра азгәанаҭоит.