Раионк аԥсҭазаараҟынтә: Емырхәба Гал ашьхарыжь ааӡара иазкны
© Sputnik
"Иҟоуп афирма "Агро Органик" ҳәа Урыстәыла, уи Аԥсны аус рыцызуа ыҟоуп. Ашьхарыжь Гал араион аҟны аиҭаҳаразы аицәажәарақәа ыҟан. Дара ирҭахын 400 гектар ашьхарыжь хкы (голубика) аарыхразы. Иахьазы ирзоужьуп 200 гектар. Уаҩҵас аусурақәа мҩаԥганы, аарыхра ишахәҭоу иалагар, даҽа 200 гектаргьы рзоужьхоит. Риаԥ ҳәа иахьашьҭоу аҭыԥ аҟны адгьыл анализ ганы игәарҭеит, ари аҵиаахкы уаҟа ианаалоит ҳәа иақәҵаны ирымоуп. Ааԥынразы алаҵаразы раԥхьатәи аусурақәа ирылагап ҳәа ауп", - иҳәеит Емырхәба.
Шәазыӡырҩы аудио.