Аизарақәеи аиԥыларақәеи: Аԥснытәи амчыбжь афотосахьақәа рҟны

21:00, 14 Хәажәкыра 2021

Аԥснызы ииасуа амчыбжь беиан ҳҭысла: аизарақәа, амитингқәа, абанк арҳәра уҳәа ирацәоуп иалукааша. Еиҳа иазгәаҭатәу хҭысуп ауаажәларратә ветерантә еиҿкаара "Аруаа" атәылаҿ иҟоу ауаажәларра-политикатә ҭагылазаашьа алацәажәаразы имҩаԥыргаз аизара ду. "Аруаа" реизара ду аҟны Аԥсны ахада Аслан Бжьаниа хатәгәаԥхарала ԥхьатәара ицаразы арезолиуциа рыдыркылеит, атәыла ахадак иаҳасаб ала иус изынамыгӡеит ҳәа иԥхьаӡаны. Уи аамҭазы ахада Иусбарҭа аҿаԥхьа Бжьаниа адгылара ширҭо аарԥшразы идгылаҩцәа еизеит. Иара убас, амчыбжь алагамҭазы аҟәа аусура хнаркәшеит 2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь.

Аԥсни адунеи аҿи азҿлымҳара зуҭаша ахҭысқәа Sputnik афотосахьақәа рҟны.

1 / 22

"Амра-Банк" аҟәатәи аофис-цҵа аҟны арҳәра ҟалеит хәажәкыра 10 асааҭ 12:20 рзы. Абанк аусзуҩцәа ишырҳәо ала, хҩык ауаа асабрадақәа рҿаҵаны абанк иҩналеит. Аԥара дәылыргеит.

© Sputnik / Акоп Кущян

2 / 22

Хәажәкын ныҳәа иасимволу амамыршәага Волгоград иқәдыргылеит.

© Sputnik / Кирилл Брага

/

Амедиаҵәахырҭахь аиасра

3 / 22

Ахәыҷы ишәҭуа атамаҭра дҭагьежьуа дыхәмароит, Испаниа.

© AFP 2023 / Pau Barrena

4 / 22

ауахәама аусзуҩ лшьамхы арсны аполициа аусзуҩцәа дрыҳәоит Мианим имҩаԥысуа аҿагыларатә акциақәа ирылахәу аӡәгьы ааха рырамҭарц.

© AFP 2023 / Myitkyina News Journal

5 / 22

Аԥшьаша хәажәкыра 11 рзы Аҟәа имҩаԥысит аветерантә еиҿкаара "Аруаа" аизара ду. Уа Аԥсны ишьақәгылаз ауаажәларра-политикатә ҭагылазаашьа иалацәажәон.

© Sputnik / Томас Тхайцук

6 / 22

Аргентина абна абылрақәа ирыхҟьаны амашьына блит.

© AP Photo Matias Garay

7 / 22

Париж имҩаԥысит афеминисткацәа рныҟәара.

© Sputnik / Florence Gallez

/

Амедиаҵәахырҭахь аиасра

8 / 22

ливантәи аԥара-фунт акаҳара иахҟьаны аҿагыларатә акциақәа мҩаԥыргоит.

© REUTERS / Aziz Taher

9 / 22

Арҭҟәацгақәа ахәыҷы дрылагылоуп, Идлиб, Шьамтәыла.

© AFP 2023 / Aaref Watad

10 / 22

Норвегиа иҟалаз адгьылҳәазара иахҟьаны ақыҭа Аск ааха ӷәӷәа аиуит.

© AFP 2023 / NTB / Stian Lysberg Solu

11 / 22

Ҩышәҩык инарзынаԥшуа Аслан Бжьаниа идгылаҩцәа ахада Иусбарҭа аҿаԥхьа еизеит хәажәкыра 11 рзы.
Ахада Иусбарҭа рыхьчоит шәҩык рҟынӡа азинхьчаратә усбарҭақәа русзуҩцәа. Аҩналарҭақәа аихатә хыцқәа рыла иаркуп.

© Sputnik / Асмат Цвижба

12 / 22

Астудентцәа аԥсшьара аамҭақәа иахьалагаз игәырӷьоит, Форт- Лодердели амшын аҟәара, Флорида.

© REUTERS / Maria Alejandra Cardona

13 / 22

Папа Франциск Ирак даҭааит.

© REUTERS / Yara Nardi

14 / 22

Аҟәатәи амшын аԥшаҳәа аԥсшьаҩцәа рыла иҭәуп, уи џьашьатәым ӡынгьы-ԥхынгьы Аԥсны узҭааша рацәоуп, аԥсабара еиуеиԥшым аамҭақәа рзы уамашәа иблахкыгоуп.

© Sputnik / Томас Тхайцук

15 / 22

Шьамтәылатәи аҳәса амилаҭтә маҭәа амшныҳәазы, ақалақь Камишли.

© AFP 2023 / Delil Souleiman

16 / 22

Авулкан Етна

© AP Photo Salvatore Allegra

17 / 22

Ҭырқәтәыла Адаԥазар иахьаҵанакуа Қоџьаели аҭыԥ аҟны, аԥсуаа раԥхьа иахьыӡхыргаз, есышықәса лаҵара 21 рзы агәалашәаратә усмҩаԥгатәқәа ахьеиҿыркаауа, хәажәкыра 10 рзы аҵлақәа шеиҭарҳауа. Ҳаԥхьаҟа уа амузеигьы аиҿкаара азгәарҭоит Ҭырқәтәыла иҟоу Аԥсуа культуратә хеилакқәа рфедерациа.

© Foto / Джансух Лазба

18 / 22

Техастәи ашәарҭадаратә усбарҭа аусзуҩ амигрантцәа драцәажәоит.

© REUTERS / Adrees Latif

19 / 22

2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит, амедицинатә цхыраара анымҩаԥнага ашьҭахь есымшатәи агыларҭахь ихынҳәит.

© Sputnik / Томас Тхайцук

20 / 22

Ҿыц аҭаацәара аԥызҵаз ауахәама азааигәара, Пекин.

© AFP 2023 / Wang Zhao

21 / 22

Аҟәатәи аботаникатә баҳчаҟны ааԥын шааиз мҩашьо ашәҭқәа ашәҭра иалагеит.

© Sputnik / Марианна Кубрава

22 / 22

Аԥсны иҟоу Урыстәыла Ацҳаражәҳәарҭеи Россотрудничествеи еиҿыркааит Хәажәкын ныҳәа Амҳаџьырқәа рыԥшаҳәаҿы, Аҟәа.

© Sputnik / Томас Тхайцук

Афотосахьақәа