АҞӘА, мшаԥы 1 - Sputnik. Аҟәа, Ешба имҩа, аҩны 173 "А" аԥшьбатәи аихагылаҿы аҩнымаҭәа амца акит ҳәа адырра ҟанаҵоит Аԥсны АҶА асаит.
Амцарцәаҩцәа ринформациала, амца ауадақәа зегь амҽханакыр ҟалон. Амцарцәаҩцәеи аиқәырхаҩцәеи еицымҩаԥыргаз аоперативтә усура иахьынӡауаз ала ирласны амца дырцәеит. Ауаҭахқәа зегь абылра иацәынхеит.
Аҟәа ақалақь ҩнеихагылак ауаҭахқәа руак аҿы амца ырцәоуп
© Foto / МЧС РА
Абри аан аӡәгьы ԥырхага имоуит.
АҶА агәҽанҵара ҟанаҵоит абылраҽацәыхьчаратә ԥҟарақәа ишрықәныҟәалатәу.