АҞӘА, мшаԥы 7 - Sputnik. Урыстәыла АШәМ Краснодартәи атәылаҿацә Аҳәаахьчаратә усбарҭа аусзуҩцәа дааныркылеит Урыстәыла атәылауаҩ, тәым тәылауаҩшәҟәыла Аԥсны аҵакырахь аҭалара зыгәҭакыз. Абри атәы аанацҳауеит Аҳәаахьчаратә усбарҭа апресс-маҵзура.
Аҳәаа еилазгаз даанкылан аушьҭырҭатә ҭыԥ "Адлер" автомашьынаьә цәаҳәала данахысуаз.
"Азинеилагара мотивс иаман Урыстәыла атәылауаҩ Аԥсны аҵакырахь ицииз иашьа иавтомашьына ала аиасра. Убри аан иара аҳәаа данахысуаз иашьа итәылауаҩшәҟәы ихы иаирхәарц иӡбеит", - аҳәоит адырраҭараҿы.
Аҳәаахьчаратә усбарҭа адырра ҟанаҵоит урыстәылатәи азакәанԥҵара инақәыршәаны Урыстәыла алалареи Урыстәыла алҵреи рзин шыҟоу ахаҭара шьақәзыргыло адокумент ала ҳәа.