Амцаԥшь ықәырҵеит: Моисеев иансамбль Аԥсны агастрольқәа шымҩаԥысуа

Игор Моисеев ихьӡ зху Амилаҭтә кәашарақәа рҳәынҭқарратә академиатә ансамбль Аԥснытәи аҳәынҭқарратә филармониаҿы ақәгылара мҩаԥысуеит лаҵара 25, 26 рзы.

Урыстәылатәи аколлектив раԥхьаӡа акәны Аԥсны иқәгылеит 2013 шықәсазы акультуратә сезон "Урыстәыла-Аԥсны" аҳәаақәа ирҭагӡаны иазгәарҭоз Урыстәыла Амшныҳәа аан.

Амилаҭтә кәашарақәа рҳәынҭқарратә академиатә ансамбль Игор Моисеев иаԥиҵеит 1937 шықәсазы. Уи афольклор асахьаркыратә интерпретациа азызуа адунеи аҿы раԥхьатәи профессионалтә хореографиатә коллективхеит.

Авидео шәахәаԥшыр шәылшоит абра>> Амилаҭтә кәашарақәа ирызҟазоу: Моисеев ибалет Аԥсны иқәгылеит

1 / 13

Моисеев ибалет инанагӡоит абырзен кәашара "Сиртаки".

2 / 13

Афото аҿы: венесуелатәи акәашара "Хоропо".

3 / 13

Ансамбль ахкынагӡаҩцәа аиспан "баллада" ахәаԥшцәа ирзыкәашеит.

4 / 13

Ансамбль артистцәа илегендахаз рыкәашара "Аҵәа" ("Яблочко") ддырбеит.

5 / 13

Моисеев иансамбль ахкынагӡаҩ "Аҭаҭар ҭыԥҳа" ("Татарочка") дкәашоит.

6 / 13

Афото аҿы: акәашара "Аҭаҭар ҭыԥҳа" ("Татарочка").

7 / 13

Абалет акәашаҩцәа инарыгӡеит абырзен кәашарақәа рсиуита "Сиртаки".

8 / 13

Аргентинатәи "Маламбо" нарыгӡоит абалет артистцәа.

9 / 13

Агентинатәи абалет "Атавернаҿы ахәылԥаз" ("Вечер в таверне").

10 / 13

Ансамбль ахкынагӡаҩцәа иддырбеит аргентинатәи ахьчаҩцәа рыкәашара "Гаучо".

11 / 13

Иара убас аконцерт аҿы раԥхьаӡа акәны ицәыргоуп адыга кәашара "Тльаԥаҭеҭ".

12 / 13

Ақәыргыламҭа "Tango Del Plata" – Игор Моисеев иԥсҭазаара даналҵ ашьҭахь раԥхьа иаԥырҵаз усумҭа дууп.

13 / 13

Моисеев иансамбль иахәаԥшразы Аԥснытәи афилармониахь имҩахыҵыз ауааԥсыра рнапеинҟьабжь акыраамҭа еихсыӷьуамызт.