Аҵыхәтәантәи аҵәҵәабжьы, игьежьуа анаԥшы-ааԥшырҭа: ииасыз амчыбжь афотоқәа

Иҳаҩсыз амчыбжь азы Аԥсны ашколқәа рҿы игеит аҵыхәтәантәи аҵәҵәабжьы, Гагра иаадыртит аҭыԥантәи ауааԥсыреи асасцәеи зҭааша аԥсшьарҭа ҭыԥ ҿыц - игьежьуа анаԥшы-ааԥшырҭа, РУСДРАМ аҿы афестиваль "Ауаҩы игыларҭа" аҳәаақәа ирҭагӡаны арежиссиортә лабораториа ицәырнагеит Искандер иҩымҭақәа ирылхыз аспектакльқәа, Ашьапылампыл азы Европа ачемпионат Евро-2020 ахәмаррақәа ирыцнаҵеит, уҳәа егьырҭ ахҭысқәа.

1 / 15

Астудиа ARA Yoga Caracas ахыб аҿы аентузиастцәа аиогазы рҿазыҟарҵоит. Каракас, Венесуела.

2 / 15

Аҟәатәи ашколқәа рҿы игеит аҵыхәтәантәи аҵәҵәабжьы.

3 / 15

Сынтәа ари амш мызкы иахыганы имҩаԥыргеит, рашәара 25 рзы, атәылаҿы иалагалаз акоронавирустә ԥкрақәа ирыхҟьаны аҵарашықәс ахьыркьаҿыз инамаданы.

4 / 15

Папа Франциск Абызкаҭаҳауаҩ аԥсшәа иеиҳәоит Сан-Дамасо ашҭаҿы. Ватикан.

5 / 15

Санкт-Петербург имҩаԥыргеит итрадициатәу аушьҭымҭацәа рыхәылԥаз "Аԥра ҟаԥшьқәа".

Амедиаҵәахырҭахь аиасра

6 / 15

Англиа еизгоу акоманда ашьапылампыласыҩ Фил Фоден шотландиатәи ахәмарҩы Ендриу Робертсон имаҭәа дахоит Англиеи Шотландиеи рыбжьара Евро-2020 агәыԥ D аҿы реицыхәмарран.

7 / 15

Амиран Адлеиба иҟаиҵаз Аԥсҳа Леон искульптура.

8 / 15

Америкатәи асолдаҭ Румаилана арратә хылаԥшрақәа рымҩаԥгараан аҭыԥантәи аԥҳәыси лхәыҷи дрывагылоуп.

9 / 15

Аҩадатәи Македониа Куманово ақалақь иацәыхарамкәа Кокино амегалитикатә обсерваториаҿы амши аҵхи реиҟарара амш иеигәырӷьо ахаҵа.

10 / 15

Башкириатәи аопереи абалети ртеатр артистцәа Аҟәа инарыгӡеит амузыкатә лакә "Иԥыруа аӷба".

11 / 15

Гагра иаадыртит игьежьуа анаԥшы-ааԥшырҭа.

12 / 15

Хорватиа, аӡиа Перука аҿы академиатә ажәҩаҵшьразы аҽазыҟаҵарақәа мҩаԥысуеит.

13 / 15

Боливиа, ажәытә қалақь Тиунако аҿы ашьагәыҭтә милаҭ аимара аиҳабацәа ашықәсҿыцазтәи аныҳәара мҩаԥыргоит.

14 / 15

Арежиссиортә лабораториа "Сандро" РУСДРАМ аҿы иқәнаргылеит аспектакль "Харлампои Деспинеи".

15 / 15

Аиашахаҵаратә қьырсиан Боле Медханиал аҿы анцәа димҵаныҳәоит, Аддис-Абеба, Ефиопиа.