АҞӘА, жьҭаара 30 - Sputnik. Агәабзиарахьчара адунеизегьтәи аиҿкаара (ВОЗ) Тедрос Гебреиесус ауаа ргәырҽаниҵоит заанкылара рылымшо даҽа вирус ҿыцк цәырҵыр шалшо ҳәа аанацҳауеит РИА Новости.
Иара убас иара иазгәеиҭеит ВОЗ амч арӷәӷәара шаҭаху.
"Абиологиа аганахьала уазхәыцуазар мышкы зны заанкылара ҳалымшо даҽа вирус ҿыцк цәырҵыр алшоит", — иҳәеит Гебреиесус "Аҩажәа ду" иалоу атәылақәа ргәабзиарахьчареи рфинансқәеи рминистрцәа рԥылараан.
Иара ишазгәеиҭаз ала, адунеитә еилазаара иаҭахуп иаҳа иӷәӷәоу ВОЗ, апандемиақәа рҿагыларазы афинанстә механизм ҿыцқәа, иаԥҵатәуп агәабзиарахьчара аганахьала еиуеиԥшым аиқәшаҳаҭрақәа рыбжьаҵара, ахеилакқәа раԥҵара.