Жәеиза метра ирыӡбеит: атурнир "Система Cup 2021" афинал

Ахәмарра ишналагазҵәҟьа аҩкомандакгьы ирылаз зегьы аарԥшра иалагеит.

Раԥхьатәи аминуҭқәа инадыркны гәдоуҭаа ампыл еиҳа иныҟәыргон. Ахәаԥшцәа усҟак ирацәаҩымызт, аха аӡәырҩы ишиашоу ицо аефир ала аинтернет-проваидер "Система" иабзоураны иахәаԥшуан, иара убас Аԥсуа телехәаԥшраҿгьы.

Ахәмарра аамҭа хада 2:2 ҳәа еиҭахарала инҵәеит, убри азы апенальтиқәа рахь ииасит. Жәеизаметратәи анаӡараҟынтә ампыл аҭаршәраҿы "Гвардеец" ахәмарыҩцәа еиҳа ирықәҿиеит, убас ала "Риҵа" 3:4 ҳәа иаҵахеит.

Ахԥатәи аҭыԥ азы ахәмарраҿы еиԥылеит аҟәатәи "Динамои" "Гагра" акомандеи. Араҟа 4:3 ҳәа аиааира агеит "Гагра".

Атурнир иалахәын акомандақәа фба: аҟәатәи "Нарҭ", гәдоуҭатәи "Риҵа", донецктәи "Гвардеец", аҟәатәи "Динамо", гагратәи "Гагра", краснодонтәи "Динамо".

Ашьапылампылтә турнир "Система Cup 2021" еиҿыркааит Аԥсны Ашьапылампыл афедерациеи ишиашоу ицо атранслиациақәа ртитултә спонсор, аинтернет-проваидер "Системеи".

1 / 13

Ашьапылампыл азы актәи Жәларбжьаратәи атурнир "Система Cup 2021" афинал гәдоуҭатәи "Риҵеи" донецктәи "Гвардееци" рыбжьара имҩаԥысит амҽыша ԥхынҷкәын 5 рзы.

2 / 13

Ахәмарра мҩаԥысуан аҟәатәи астадион "Динамо" аҿы.

3 / 13

"Риҵа" ахәмарҩы аҳауаҿы "Гвардеец" иалаз ампыл иаԥигеит.

4 / 13

Ашьапылампыл абзиабаҩцәа гәдоуҭаа ирыдгылон.

5 / 13

Ахәмарраан аԥҟарақәа реилагарақәагьы ыҟан.

6 / 13

"Гвардеец" ашьапылампыласыҩ иҩызцәа ампыл ирҭарц дирбоит.

7 / 13

Афиналтә хәмарра даара аинтерес аҵан.

8 / 13

Ахәмарраҿы ампыл азы аиндаҭларақәа акыр ыҟан.

9 / 13

Ари атурнир зынӡа ф-командак алахәын - аԥснытәиқәа ԥшьбеи ЛЖәР-и ДЖәР-и ркомандақәеи.

10 / 13

Афинал аҿы аиааира згаз деилыркааит апенальтиқәа расраан.

11 / 13

"Гвардеец" ахәмарыҩцәа ркоманда ампыл амба иахьҭадыршәыз иеигәырӷьоит.

12 / 13

Ахәмарра иахәаԥшырц иааит ашьапылампыл абзиабаҩцәа хәыҷқәагьы.

13 / 13

"Гвардеец" ахраҿа иаиааит апенальтиқәа раан еиҳа ампылқәа ахьҭадыршәыз иабзоураны.