Адунеи аиқәырхаразы: аиадертә еибашьра ҟалоит ҳәа ашәарҭара аҿагыларазы аидгылара амш

Нанҳәа 9 1945 шықәса рзы аҩбатәи атомтә бомба алажьын иапониатәи ақалақь Нагасаки, знык ала иҭахеит 70 нызқь рҟынӡа ауааԥсыра, даҽа 10 нызқьҩык - аԥжәара ахҟьаԥҟьақәа, арадиациа иахҟьаны.

Ажьырныҳәа 29 1985 шықәса рзы Ниу-Дели (Индиа) имҩаԥысит Индиа, Аргентина, Бырзентәыла, Мексика, Танзаниа, Швециа атәылақәа рхадацәеи рԥыза-министрцәеи реилатәара. Уи аҽны дара ирыдыркылеит Делитәи адекларациа - аиадертә ҳәынҭқарра дуқәа иадертә бџьарла аицлабра иаҟәыҵырц, иара убас ирымоу аиадертә бџьар еиҳа-еиҳа ирмаҷуа, зынӡагьы иқәыргарц, убри алагьы аиадертә еибашьра ҟалоит ҳәа иҟоу ашәарҭара аԥырхырц.

1 / 15

Ари афото иануп 1945 шықәса абҵарамзазы Еиду Америкатәи аштатқәа рыруаа иҭырхыз, анаҩс Хиросима иҟоу Адунеитә мемориалтә музеи иҭнажьыз аӡыргаратә ҭӡы. Уи аҿы иубоит абомбакажьга B-29 Enola Gay атомтә бомба Domea Хиросима ианаланажьыз ашьҭахь хымз ааҵуаны ақалақь зеиԥшраз.

2 / 15

Аҿари астудентцәеи XII Жәларбжьаратәи рфестиваль алахәылацәа Москва аспорттә хан "Олимпийский" аҿаԥхьа еизеит амитинг "Хиросимеи Нагасакии ҳгәаҳҽанырҵоит: ари аҩыза арыцҳара уаҳа иҟамлароуп" захьӡыз аҿы.

Амедиаҵәахырҭахь аиасра

3 / 15

Иапониа, нанҳәа 9 1945 шықәса, Нагасаки атомтә бомба аналарыжьыз ашьҭахь еимгеимцарак иалагӡаны ажәҩан ахь ихалеит акәыкәбаа аԥшра змаз аԥҭа.

4 / 15

Хиросима иаларыжьыз атомтә бомба "Хәыҷыҷа" ("Малыш"). Афото ҭыхын 1945 шықәса нанҳәамзазы.

Амедиаҵәахырҭахь аиасра

5 / 15

Хиросима атомтә бомба аналарыжьыз аахақәа зауз аиапон хаҵеи аԥҳәыси тәоуп ахәшәтәырҭа злырхыз еилаҳаз абанк ахыбраҿы, Иапониа ақалақьқәа руак агәы иацәыхарамкәа, афото ҭыхуп жьҭаара 6 1945 шықәса рзы. Аԥҳәыс лхы-лҿы ҟәаҟәоуп, амцашыра бааԥс иҟаз иахҟьаны имжьыжькуп, иҟаԥшьӡа иҟоуп.

6 / 15

Ари асахьаҿы иубарҭоуп Хиросима ажәҩан аҟынтәи уанахәаԥшуа абомба аналарыжьыз ашьҭахь мызкы ааҵуаны изеиԥшраз - цәыббра 5 1945 шықәса рзы.

7 / 15

Хиросима атомтә бомба анақәрыжь ахәрақәа зауз аԥҳәыси лхәыҷи ахәшәтәырҭа злырхыз еилаҳаз абанк ахыбра адашьмаҿы ишьҭоуп ахыза рықәыршәны, Иапониа ақалақьқәа руак агәы иацәыхарамкәа.

8 / 15

Цәыббра 8 1945 шықәса рзы иҭыхыз ари афотосахьахы иануп зрыцқьара рылшаз ақалақь аҿы амҩақәа руак ҩыџьа ауаа аныланы ишцо. Афото Еиду Америкатәи аштатқәа Арра-ҳаиртә мчқәа иртәуп.

9 / 15

1948 шықәса рзы иҭыхыз ари афото аҿы иануп Хиросима атомтә бомба аналарыжь ашьҭахь иҟалаз арадиациа рацәыхьчаразы асабрадақәа зҿоу ахәыҷқәа.

10 / 15

Нанҳәа 9 1945 шықәса рзы ЕАА Рырбџьармчқәа иҭрыжьыз адиаграмма зну ари афото-схемаҿы иубоит Хиросима атомтә бомба аналарыжь ашьҭахь аԥхасҭа ахьыҟалаз араионқәа. Агьежь ахьҭыху аҭыԥ адиаметр 19 000 фут ыҟоуп. Еиқәараны иҭыху аҭыԥқәа зегьынџьара ак ашьҭамҭа ыҟамкәа ицәҳәит. Арҭ адыррақәа усҟантәи аԥшыхыҩцәа иҟарҵеит.

11 / 15

Ари арԥыс игәабзиара ааха аиуит аҩбатәи атомтә бомба Нагасаки ақалақь ианаларыжь ашьҭахь. Афото ҭыхын 1945 шықәса анҵәамҭазы. Нанҳәа 9 рзы иҟалаз аԥжәара аан иаразнак иҭахеит 70 нызқьҩык ауаа, уи ахҟьаԥҟьақәа, арадиоактивтә лышәшәақәа ирыхҟьаны еиҭа 10 нызқьҩык рыԥсҭазаара иалҵит.

12 / 15

Хиросима ақалақь ахәшәтәырҭаҿы ихәшәтәра иаҿуп абомба анкаҳаз ашьҭахь зцәа-зжьы блыз асаби. Афото ҭыхын абомба анкаҳаз ашьҭахь мчыбжьқәак рышьҭахь иҭыхыз уажәааигәа иԥшаахаз авидеонҵамҭаҟынтәи.

13 / 15

Нагасаки иаларыжьыз абомба анԥжәа ашьҭахь иқәлаз амцашыра иахҟьаны зцәа-зжьы блыз аиапон ԥҳәыси ахәыҷи.

14 / 15

Ари афото ҭыхын нанҳәа 5 1946 шықәса рзы, Хиросима абомба анақәрыжьыз ашьҭахь шықәсык анҵы, асаби дҵәыуоит еилаҳаз ақалақь аҿы.

15 / 15

Хиросима атомтә бомба алазыжьыз америкатәи абомбакажьга-ҳаирплан "Enola Gay" аекипаж. Афото ҭыхын 1945 шықәса нанҳәамзазы.

Амедиаҵәахырҭахь аиасра