АҞӘА, хәажәкыра 1 - Sputnik. Аԥсны Аҳәынҭқарра Адәныҟатәи аусқәа рминистр Инал Арӡынба Еиду амилаҭқәа реиҿкаара (ЕАР) Амаӡаныҟәгаҩ хада Антониу Гутерриш ихьӡала Аԥсны ЕАР аҿы аҳәынҭқарра-наԥшҩы астатус аиуразы инашьҭымҭа Ниу-Иорк, ЕАР аштаб-квартираҿ ироуит. Абри атәы аанацҳауеит Аԥсны ААР асаит.
Адәныҟатәи аусқәа рминистр ихаҭыԥуаҩ Иракли Ҭыжәба иҳәеит Аԥсны Аҳәынҭқарра иҟоу ауадаҩрақәа ирыхьмырԥшыкәа ԥхьаҟагьы жәларбжьаратәи аҭахкаара аԥыхра аҽазнашәалоит ҳәа.
"Қырҭтәыла аганахьалеи иара иадгыло атәылақәа рганахьалеи иҟоу аобиективтә уадаҩрақәа ҳара Аԥсны Аҳәынҭқарра амилаҭтә интересқәа рыхьчара еиҳагьы ихымԥадатәины ҳашрыхәаԥшуа аадырԥшуеит", - ҳәа азгәаҭоуп аҳәамҭаҿы.
Ахаша жәабран 9 азы Инал Арӡынба Еиду амилаҭқәа реиҿкаара Адунеизегьтәи ассоциациақәа рфедерациа ахада ихаҭыԥуаҩ, Еиду амилаҭқәа реиҿкаара Ацхрааразы урыстәылатәи ассоциациа ахантәаҩы актәи ихаҭыԥуаҩ Алексеи Борисов Москва даниԥылоз Еиду амилаҭқәа реиҿкаара амаӡаныҟәгаҩ хада иахь аҳәамҭа ишьҭит ҳреспублика анаԥшҩык аҳасабала астатус аҭаразы алшара иазхьаԥшырц.