АҞӘА, хәажәкыра 1 – Sputnik. Урыстәылатәи ар арратә операциа ҷыда Украина имҩаԥыргалоит рҿаԥхьа иқәгылоу ахықәкқәа зегь нарыгӡаанӡа, раԥхьа иргыланы Мраҭашәара аганахь ала Урыстәыла шыхьчоу еилкаахаанӡа ҳәа аҩуеит РИА Новости Атәылахьчара аминистр Сергеи Шоигу иажәақәа шьаҭас иҟаҵаны.
"Урыстәылатәи Афедерациа Арбџьармчқәа ргәыԥ арратә операциа мҩаԥыргалоит рҿаԥхьа иқәгылоу ахықәкқәа нарыгӡаанӡа", - ҳәа иҳәеит Шоигу аселектортә еилацәажәараҿы.
Иара иажәаәқа рыла, арратә операциа мҩаԥысуеит Донбасс ауааԥсыра рыхьчареи Украина абџьархыхреи рымҩаԥгаразы.
"Ҳара ҳзы раԥхьа иргыланы украинатәи ажәлар ҳҿазыргыло Мраҭашәара аганахь ала Урыстәыла шыхьчоу аилкаароуп", - ҳәа иҳәеит аминистр.
Иара иазгәеиеҭит, Урыстәыла Украина ампыҵахалара гәҭакыс ишамам, аҭынч уааԥсыра рыхьчара шымҩаԥнаго.
"Инаҵшьны иазгәасҭоит ажәыларақәа шымҩаԥысуа арратә ҵакырақәа мацара ирықәкны", - ҳәа иҳәеит аминистр.
Шоигу иажәақәа рыла украинатәи аган аибашьра ацараан ареактивтә системақәа, аминаршәгақәа анхарҭаҩнқәа, ашколқәа, ахәыҷбаҳчақәа ишрывадыргыло, аҭынч уааԥсыра рыла рхы шырыхьчо.