Аԥсуаа анацизм закәу ҳнырит, иаҳдыруеит мрагыларахьы иҳадынхало ҳгәылацәа шаҳзыҟоу, ҳганахьала рхымҩаԥгашьала, иаадырԥшуа агрессивтә политикала ҳәа азгәеиҭеит Чачхалиа арадиоефир аҿы.
Ауаҩы ибызшәала дандмырцәажәо, ихдырра ианаҿагыло, афашистцәа ридеологиа злашьақәгылаз ауп анацизм. Асовет ҳәынҭқарра ишәҭыкакаҷны ианыҟаз аамҭазгьы Украина аарылукааратәы убри даара иалаҟан. Аџьынџьтәылатә еибашьра Ду иазку афильмқәа, ашәҟәқәа, адокументқәа рылагьы уи иаадыруаз ауп, иџьоушьаратәы иҟоуп. Асовет ҳәынҭқарра анеилабга, амилаҭқәа хаз-хазы ианца, даараӡа (анацизм) рылжжо иалагеит. Амилаҭ зегьы еидкыланы иузҳәаӡом ус, аха аҩнуҵаҟа агәыԥ дуқәа рҽеибаркны, абџьар шьҭыхны аҳәынҭқарра амчра иаҿагылоит. Уимоу, иара ҳа ҳҟынӡагьы инаӡеит "Правыи сектор" ахаҭарнакцәа, абџьар кны Аԥсны иҟан", - иҳәеит Чачхалиа.
Мраҭашәаратәи атәылақәа иҩбаны иҟоу аполитика мҩаԥыргоит, ианырҭаху - ирбоит, ианырҭахым - рыла адыркуеит ацәгьарақәа рганахьала. Украина имҩаԥысуа ахҭысқәа Урыстәылеи Украинеи мацара ракәӡам, адунеи зегьы ашәарҭара иҭанаргылоит, иџьоушьаратәы иҟоуп ас еиԥш ацәырҵрақәа рзы жәларбжьаратәи аиҿкаара дуқәа рыбжьы ахьдмырго иҳәеит аҭоурыхҭҵааҩ.
Аицәажәара инарҭбааны аудиофаил аҟны ишәаҳар шәылшоит.