АҞӘА, хәажәкыра 3 – Sputnik. Урыстәыла ЕАА рахь аракетатә рныҟәагақәа рынашьҭра ааннакылоит ҳәа ателеканал "Россия-24" аефир аҿы иҳәеит "Роскосмос" адиректор хада Дмитри Рогозин.
"Иахьа аӡбра ҳадаҳкылеит Еиду аштатқәа рахь аҭҵаарадырра-ааглыхратә еиҿкаара "Энергомаш" аҭыжьымҭақәа шынаҳмышьҭуазы. 90-тәи ашықәсқәа раахыс ари аус мҩаԥаагон", - ҳәа иҳәеит иара.
Рогозин иазгәеиҭеит зыӡбахә имоу арныҟәага РД-180 (аракета Atlas-5), арныҟәага РД-181 (аракета Antares) шракәу.
"Роскосмос" ахада иажәаәқа рыла, 90-тәи ашықәсқәа раахыс ЕАА иаанахәахьеит 122 РД-180.
Рогозин иҳәеит аилахәыра -хырхарҭак змоу аспутникқәа раԥҵара ишалаго, ЕАА "аҳәымсаг" иақәтәан иԥырлааит шьҭа ҳәа иҳәеит.