Аҭынчреи аиашареи рзы: Урыстәыла адгыларазы Аԥсны имҩаԥысыз акциа

Астадион аҟны еизеит 3000-ҩык инарзынаԥшуа ауаа, еизаз арахь иааргеит аплакатқәа "Ҳара Урыстәыла ҳадгылоит!", "Ҳара аҭынчра ҳадгылоит!" ҳәа зныз иара убас абираҟқәа.

Еизаз рҿаԥхьа дықәгылеит Аҳәынҭқарра ахада Аслан Бжьаниа. Иара иазгәеиҭеит акциа ишалахәу еиуеиԥшым аполитикатә партиақәа, ауаажәларратә еиҿкаарақәа рхаҭарнакцәа. Ара ирҳәоит аԥсуа-аурыс еизыҟазаашьақәа рҿы ҳара ҳаӡәыкуп ҳәа. Жәларбжьаратәи аилазаара агрессиа аадырԥшуеит Урыстәыла аганахь ала иҳәеит Бжьаниа.

Аҳәынҭқарра ахада игәаанагара иадгылеит аполитикатә партиақәеи ауаажәларратә еиҿкаарақәеи рхаҭарнакцәа, Аԥсны Аџьынџьтәылатә еибашьра аветеранцәа.

1 / 9

Донбасс ареспубликақәа рыҟны аҭынчра ашьақәыргыларазы Урыстәыла имҩаԥнаго аусқәа рыдгыларазы акциа ҭбаа мҩаԥысит.

2 / 9

Акциа мҩаԥысит Аҟәа, астадион "Динамо" аҟны.

3 / 9

Уи иалахәын 3000-ҩык рҟынӡа ауааԥсыра.

4 / 9

Иеизаз аиҳарак аплакатқәеи абираҟқәеи ркын.

5 / 9

Иара убас ара иҟан Асовет бираҟгьы.

6 / 9

Еизаз астадион азганк зегь дырҭәит, иамкыз гылан.

7 / 9

Акциа иалахәыз арахь иааргеит "Ҳара Урыстәыла ҳадгылоит!", "Ҳара аҭынчра ҳадгылоит!" ҳәа зныз аплакатқәа.

8 / 9

Араҟа иҟан Аԥсны аррамаҵура иахысуа аруаагьы.

9 / 9

Еизаз рҿаԥхьа дықәгылеит Аҳәынҭқарра ахада Аслан Бжьаниа.