Аԥсны Жәлар Реизарахь алхрақәа мҩаԥысуеит иахьа хәажәкыра 12 рзы, абжьыҭара еиҿкаауп 35 алхратә ҭыԥ хадақәа рҟны. Алхрақәа ирылахәуп 123-ҩык акандидатцәа. 107-ҩык хацәоуп, 26-ҩык - ҳәсоуп. 5-тәи, 10-тәи, 14-тәи алхратә ҭыԥ хадақәа рҟны Апарламент адепутатрахь акандидатцәа аӡәаӡәа ықәгылоуп. Абыжьбатәи Апарламент ҿыц иааиуа хәышықәса ареспублика азакәанԥҵаратә политика шьақәныргылоит. Алхрақәа рҟны даиааит ҳәа дыԥхьаӡоуп 50% + 1 бжьы зауз акандидат. Ариаҟара бжьы иқәгылаз акандидатцәа рҟынтәи аӡәгьы имоузар, аҩбатәи атур мҩаԥгахоит. Алхрақәа шьақәгылеит ҳәа иазыԥхьаӡоуп абжьыҭиҩцәа рааира 25% артәазар.
Аицәажәара аудиофаил аҟны ишәаҳар шәылшоит.