Аԥсны абырлаш аҭаара: Донбассынтәи ахҵәацәа Риҵа шыддырбаз

Донецки Лугански Жәлар Рреспубликақәа рҟынтәи ахҵәацәа Аԥсны иҟоуижьҭеи мызкы ҵуеит. Ари аамҭа иалагӡаны дара Афон ҿыц аекскурсиа рзымҩаԥган. Уажәазы ахҵәацәа аҭааит Аԥсны аҭыԥ ԥшӡарақәа рбырлаш - аӡиа Риҵа.

Аныҟәара иалахәыз рцәаныррақәа - Sputnik афотолентаҟны.

Аԥсны аҭагылазаашьа ҷыдақәа рминистрра жәабран 24 рзы Аԥсныҟа иааргеит ДЖәР-и ЛжәР-и рҟынтәи ахҵәацәа, мышқәак рнаҩс иааит ахҵәацәа аҩбатәи ргәыԥ, зынӡа Аҟәа иҟан 118-ҩык. Ахҵәацәа ҩнан асасааирҭа "Аиҭар". Хәажәкыра 18 рзы 37-ҩык ахҵәацәа Луганскҟа игьежьит.

1 / 12

"Альфард-клуб" алахәылацәа асасааирҭа "Аиҭар" аҿы инхо Донбассынтәи ахҵәацәа Риҵаҟа аныҟәара рзеиҿыркааит.

2 / 12

Аекскурсиа амҩаԥгаҩ асасцәа ирзеиҭеиҳәон Аԥсны аҭоурыхи алегендақәеи.

3 / 12

Аҭоурыхтә жәабжьқәа реиҳа ус аныҟәара еиӷьызшьазгьы ыҟан.

4 / 12

Амҩан дара Аӡиа иаҵәагьы ддырбеит.

5 / 12

Аԥсны амилаҭтә маҭәа ахәыҷқәа ргәы иақәшәеит.

6 / 12

Аҭыԥ ԥшӡарақәа гәаларшәагас асахьақәа ҭырхуан.

7 / 12

Ахәыҷқәа аҩадарақәа ирҿалон.

8 / 12

Асасцәа, Риҵа ианнеи аӡынтәи ассир рзыԥшын

9 / 12

Риҵа асы шьҭоуп, ахәыҷқәа уи даара еигәырӷьеит.

10 / 12

Аџьџьаҳәа еицыхәмаруан, асы еигәыдырҵон.

11 / 12

Аӡиа Риҵагьы акатамаранқәа рыла ихылеит.

12 / 12

Асасцәа Аԥсны шыргәаԥхаз, аҭыԥ ԥшӡарақәа ишхырхыз рҳәеит.