АҞӘА, хәажәкыра 29 - Sputnik. Уахыки-ҽнаки рыла Аԥсны ауааԥсыра COVID -19 азы атестқәа арҭеит 148-ҩык, урҭ рахьтә 32-ҩык аҿкчымазара шрымаз аадырԥшит ҳәа аанацҳауеит ауааԥсыра акоронавирус рацәыхьчаразы аоперативтә штаб.
Ари аамҭазы Гәдоуҭатәи араионтә хәшәтәырҭа хадаҿы ишьҭоуп 26-ҩык, рҭагылазаашьа бааԥсуп ԥшьҩык, ибжьаратәуп 22-а. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 8-ҩык, урҭ рахьтә ҩыџьа рҭагылазаашьа уадаҩуп. Очамчыра ирхәшәтәуеит ԥшьҩык, Гагратәи ахәшәтәырҭаҿы - ԥшьҩык, Тҟәарчалтәи ахәшәтәырҭаҿы хҩык ачымазцәа шьҭоуп.